ഗുജറാത്തിൽ കനത്തനാശം വിതച്ച് ബിപോർജോയ് ചുഴലിക്കാറ്റ്: ആടുകളെ രക്ഷിക്കാനിറങ്ങിയ അച്ഛനും മകനും മരിച്ചു

ബിപോർജോയ് ചുഴലിക്കാറ്റിൽ ഗുജറാത്തിൽ കനത്ത നാശം.തീരങ്ങളിൽ കനത്ത മഴയും കാറ്റും കടല്‍ക്ഷോഭവും തുടരുന്നു.കച്ച് സൗരാഷ്ട്ര മേഖലയില്‍ പലയിടങ്ങളിലും മരം കടപുഴകി വീണു. ചിലയിടങ്ങളില്‍ വീടുകള്‍ തകർന്നു.അ‌ർധാരാത്രിയോടെ ചുഴലിക്കാറ്റിന്‍റെ കേന്ദ്രം ഗുജറാത്ത് തീരത്തേക്ക് കടന്നത് . 115- മുതല്‍ 125 കിലോമീറ്റർ വേഗതയിലാണ് ബിപോർ ചുഴലിക്കാറ്റ് വീശുന്നത്.ഭാവ്നഗർ ജില്ലയിൽ വെള്ളപ്പൊക്കത്തിൽ അകപ്പെട്ട ആടുകളെ രക്ഷിക്കാനുള്ള ശ്രമത്തിനിടയിൽ അച്ഛനും മകനും മരിച്ചു.കന്നുകാലി വളർത്തുകാരനായ രാംജി പർമറും (55) മകൻ രാകേഷ് പർമറും (22) അപകടത്തിൽ പെട്ടത്.ഇവരുടെ 23 ആടുകളും ചത്തു.