ബി.ജെ.പി സ്ഥാനാർഥിക്ക് വോട്ടഭ്യർഥിച്ച് തീവ്ര ക്രിസ്ത്യൻ വർഗീയ സംഘടനയായ കാസയുടെ നോട്ടീസ്. ക്രിസ്ത്യാനികളുടെ ആവശ്യങ്ങൾക്കായി ശബ്ദിക്കാനും പൊരുതാനും എൻ.ഡി.എ സ്ഥാനാർഥി സി. കൃഷ്ണകുമാറിന് വോട്ട് ചെയ്യാൻ അഭ്യർഥിച്ചുള്ള നോട്ടീസാണ് പാലക്കാട്ട് കഴിഞ്ഞ ദിവസം വിതരണം ചെയ്യപ്പെട്ടത്.
അബ്ദുൽ നാസർ മഅ്ദനിക്കുവേണ്ടിയും വഖഫ് നിയമഭേദഗതിക്കെതിരായും പാസായതുപോലെ ഏകകണ്ഠമായി ഒരു പ്രമേയവും നിയമസഭയിൽ പാസാകാൻ ഇടവരരുതെന്നും ക്രിസ്ത്യൻ സമൂഹം ഇക്കുറി യാഥാർഥ്യം തിരിച്ചറിഞ്ഞ് വോട്ട് രേഖപ്പെടുത്തണമെന്നുമുള്ള നോട്ടീസാണ് പ്രചരിക്കുന്നത്.