പാലക്കാട് പുതുശ്ശേരിയില് കരോള് സംഘത്തിന് നേരെ ബിജെപി- ആര്എസ്എസ് പ്രവര്ത്തകരുടെ ആക്രമണം. സംഭവത്തില് വധശ്രമത്തിന് ബിജെപി പ്രവര്ത്തകനെ പൊലീസ് അറസ്റ്റ് ചെയ്തു. പുതുശ്ശേരി കാളാണ്ടിത്തറ സ്വദേശി അശ്വിന് രാജിനെയാണ് കസബ പൊലീസ് അറസ്റ്റ് ചെയ്തത്. പ്രതിയെ ഉടന് കോടതിയില് ഹാജരാക്കും. അശ്വിന് രാജിനെതിരെ നേരത്തെ കാപ്പ ചുമത്തിയിരുന്നു.
ആക്രമണത്തില് കൂടുതല് ബിജെപി പ്രവര്ത്തകര് ഉണ്ടെന്ന് നാട്ടുകാര് ആരോപിച്ചു. ഇന്നലെ രാത്രിയാണ് പുതുശ്ശേരിയില് വെച്ച് പ്രതി കുട്ടികള് അടങ്ങുന്ന കരോള് സംഘത്തെ ആക്രമിച്ചത്. പുതുശ്ശേരി സുരഭിനഗറില് ഇന്നലെ രാത്രി 9.15നാണു സംഭവം. സംഭവത്തിനു പിന്നില് ആര്എസ്എസ്– ബിജെപി പ്രവര്ത്തകരാണെന്ന് ആരോപിച്ച് കരോള് സംഘം കസബ പൊലീസില് പരാതി നല്കിയിട്ടുണ്ട്. കേസെടുത്ത പൊലീസ് സംഭവസ്ഥലം രാത്രി തന്നെ സന്ദര്ശിച്ചു. കാരോള് സംഘത്തിന്റെ ബാന്ഡ് സെറ്റും സാമഗ്രികളും നശിപ്പിച്ചിട്ടുണ്ട്.