മദ്യപ്രദേശില് 60 അടി താഴ്ചയുള്ള കുഴല്കിണറില് വീണ എട്ട് വയസുകാരന് മരിച്ചു. 24മണിക്കൂറോളം നീണ്ട രക്ഷാപ്രവര്ത്തനത്തിനൊടുവിലാണ് കുട്ടി മരണപ്പെട്ടത്. എന്ഡിആര്എഫ് സംഘം നടത്തിയ തീവ്രപരിശ്രമത്തിനൊടുവിലാണ് കുട്ടിയെ പുറത്തെടുത്ത് ആശുപത്രിയിലെത്തിച്ചെങ്കിലും രക്ഷിക്കാനായില്ല.
കഴിഞ്ഞ ദിവസം കളിക്കുന്നതിനിടെയാണ് ലോകേഷ് അഹില്വാര് (8) കുഴല്കിണറില് വീണത്. 50 അടിയോളം കുഴിയെടുത്താണ് രക്ഷാസംഘം കുഴല്ക്കിണറിനുള്ളില് എത്തിയത്. ഈ തുരങ്കത്തിലൂടെയാണ് കുട്ടിയെ പുറത്തെടുത്തത്. കഴിവിന്റെ പരമാവധി ശ്രമിച്ചിട്ടും കുട്ടിയെ രക്ഷിക്കാന് സാധിക്കാത്തതില് ഖേദമുണ്ടെന്ന് കലക്ടര് ഉമാ ശങ്കര് ഭാര്ഗവ പറഞ്ഞു.