വൈറലായ ഈ ഗാനത്തിന്റെ വരികള്‍, സംഗീതം, ഗായനശബ്ദം ഒന്നും മനുഷ്യനില്‍ നിന്നല്ല; എല്ലാം എ.ഐ തന്നെ സൃഷ്ടിച്ചതാണ്. അതുകൊണ്ടാണ് ഈ നേട്ടം സംഗീത ചരിത്രത്തില്‍ തന്നെ ഒരു വഴിത്തിരിവായി വിലയിരുത്തപ്പെടുന്നത്.

ഒക്ടോബര്‍ പകുതിയോടെ ഇന്‍സ്റ്റാഗ്രാമിലൂടെ ഈ ഗാനം ട്രെന്‍ഡിങ് ആകുകയായിരുന്നു. ഗാനം പങ്കുവെച്ച എ.ഐ ആര്‍ട്ടിസ്റ്റിന്റെ പേജിന് ഇപ്പോള്‍ 40,000-ത്തിലധികം ഫോളോവേഴ്സും പ്രതിമാസം ഏകദേശം 20 ലക്ഷം സ്‌പോട്ടിഫൈ ശ്രോതാക്കളുമുണ്ട്.

ഈ വൈറല്‍ ഗാനത്തിന്റെ പിന്നില്‍ എ.ഐ വെഞ്ച്വര്‍ കമ്പനിയായ ഡെഫ്ബീറ്റ്‌സാണ്. ഗാനത്തിന്റെ വിജയം ആസ്വാദകരില്‍ അത്ഭുതം സൃഷ്ടിക്കുമ്പോള്‍ സംഗീതലോകത്ത് ആശങ്കയും ഉയരുന്നു ഇങ്ങനെ എ.ഐ മുന്നേറുമ്പോള്‍ മനുഷ്യ സംഗീതജ്ഞര്‍ക്കും ഗായകര്‍ക്കും ഭാവിയില്‍ സ്ഥാനം ലഭിക്കുമോ എന്നതാണ് ഇപ്പോള്‍ പലരും ചോദിക്കുന്നത്.

മലയാളത്തില്‍ റെക്കോര്‍ഡ് കളക്ഷന്‍ നേടിയ ലോകയും തുടരുവും എന്ന ചിത്രങ്ങള്‍ക്ക് ശേഷം കമല്‍ ഹാസന്‍ ജേക്സിന്റെ സംഗീത മികവിനെ പ്രശംസിച്ചിരുന്നു. അതിന് പിന്നാലെയാണ് പ്രശസ്ത ആക്ഷന്‍ കൊറിയോഗ്രാഫര്‍മാരായ അന്‍ബ് അറിവ് സഹോദരങ്ങള്‍ സംവിധാനം ചെയ്യുന്ന കമല്‍ ഹാസന്‍ ചിത്രത്തില്‍ ജേക്സ് ബിജോയ് ചേര്‍ന്നത്.

”കമല്‍ ഹാസന്‍ പോലെയുള്ള ഒരു ലെജന്‍ഡിന്റെ ചിത്രത്തിനായി സംഗീതം ഒരുക്കുന്നത് എന്റെ ജീവിതത്തിലെ വലിയ അഭിമാനമാണ്,” എന്ന് ജേക്സ് ബിജോയ് പറഞ്ഞു. തമിഴ്‌നാട്ടില്‍ ഏറെക്കാലം ചെലവഴിച്ചിട്ടുള്ള ജേക്സ്, യേര്‍ക്കാട് സ്‌കൂള്‍ ദിനങ്ങളില്‍ നിന്നും ചെന്നൈയിലെ സംഗീതജീവിതത്തിലേക്കുള്ള യാത്രയെ തന്റെ കരിയറിന്റെ അടിത്തറയെന്ന് വിശേഷിപ്പിച്ചു.

മലയാള സിനിമയിലെ ഹിറ്റ് ഗാനങ്ങളിലൂടെ പ്രേക്ഷകരുടെ മനസില്‍ ഇടം നേടിയ ജേക്സ് ബിജോയ്, ഈ പുതിയ തമിഴ് പ്രോജക്ടിലും അതേ മികവ് ആവര്‍ത്തിക്കുമെന്നതാണ് ആരാധകരുടെ പ്രതീക്ഷ.

കമല്‍ ഹാസനും അന്‍ബ് അറിവ് സഹോദരന്മാരും ചേര്‍ന്ന ചിത്രത്തിന്റെ ഷൂട്ടിംഗ്, അണിയറപ്രവര്‍ത്തകരുടെ വിവരങ്ങള്‍ എന്നിവ അടുത്തിടെ ഔദ്യോഗികമായി പ്രഖ്യാപിക്കുമെന്നാണ് റിപ്പോര്‍ട്ട്.

സഹോദരന്‍ ലളിത് പണ്ഡിറ്റ് പറയുന്നതനുസരിച്ച്, വ്യാഴാഴ്ച വൈകുന്നേരം നടിക്ക് ശ്വാസതടസ്സം അനുഭവപ്പെട്ടു. ‘രാത്രി 7 മണിയോടെ ഹൃദയസ്തംഭനം മൂലമാണ് അവര്‍ മരിച്ചത്. ഞങ്ങള്‍ അവളെ നാനാവതി ആശുപത്രിയിലേക്ക് കൊണ്ടുപോകുകയായിരുന്നു, പക്ഷേ ഞങ്ങള്‍ ആശുപത്രിയില്‍ എത്തുന്നതിന് മുമ്പ് മരിച്ചു.’

1975ല്‍ സഞ്ജീവ് കുമാറിനൊപ്പം ഉള്‍ജാനിലൂടെയാണ് സുലക്ഷണ അരങ്ങേറ്റം കുറിച്ചത്. രാജേഷ് ഖന്ന, ശശി കപൂര്‍, വിനോദ് ഖന്ന എന്നിവരുള്‍പ്പെടെ അവളുടെ കാലഘട്ടത്തിലെ മിക്കവാറും എല്ലാ മുന്‍നിര താരങ്ങള്‍ക്കൊപ്പവും അവര്‍ പ്രവര്‍ത്തിച്ചു. സങ്കോച്ച്, ഹേരാ ഫേരി, ഖണ്ഡാന്‍, ധരം ഖന്ത, ദോ വഖ്ത് കി റൊട്ടി, ഗോര എന്നിവയും അവളുടെ മറ്റ് പ്രധാന സിനിമകളാണ്. ബംഗാളി സിനിമയായ ബാന്‍ഡിയില്‍ (1978) അവര്‍ അഭിനയിച്ചു, അവിടെ അവര്‍ ഉത്തം കുമാറിനൊപ്പം അഭിനയിച്ചു.

ഒരു പിന്നണി ഗായിക എന്ന നിലയില്‍ അവര്‍ക്ക് സമാന്തരവും തുല്യവുമായ ഒരു കരിയര്‍ ഉണ്ടായിരുന്നു. ഹിന്ദി, ബംഗാളി, മറാത്തി, ഒറിയ, ഗുജറാത്തി തുടങ്ങി നിരവധി ഭാഷകളില്‍ സുലക്ഷണ ഗാനങ്ങള്‍ ആലപിച്ചു. തു ഹി സാഗര്‍ തൂ ഹി കിനാര, പര്‍ദേശിയ തേരേ ദേശ് മേ, ബെക്രാര്‍ ദില്‍ തുട്ട് ഗയാ, ബാന്ധി രേ കഹേ പ്രീത്, സാത് സമുന്ദര്‍ പാര്‍, സോംവാര്‍ കോ ഹം മിലേ, സോനാ രേ തുജെ കൈസെ മിലൂന്‍, യേ പ്യാരാ ലഗേ തേരാ ചെഹ്റ, ജബ് ആതി ഹേ പി യാദ്, യേ ഹേ പി ഹോഗിയാ തുടങ്ങിയ ഹിറ്റുകള്‍ അവര്‍ പാടി.

ഹരിയാനയിലെ ഹിസാറില്‍ നിന്നുള്ള ഒരു സംഗീത കുടുംബത്തില്‍ നിന്നാണ് അവര്‍ വന്നത്. പണ്ഡിറ്റ് ജസ്രാജ് അവളുടെ അമ്മാവനായിരുന്നു. ഒന്‍പതാം വയസ്സില്‍ പാടിത്തുടങ്ങിയ സുലക്ഷണ, സഹോദരന്‍ മന്ധീറിനൊപ്പം സംഗീതത്തില്‍ തന്റെ കരിയര്‍ ആരംഭിച്ചു. ജതിന്‍ പണ്ഡിറ്റ്, ലളിത് പണ്ഡിറ്റ്, പഴയകാല നടന്‍ വിജയത പണ്ഡിറ്റ് എന്നിവരാണ് അവളുടെ സഹോദരങ്ങള്‍.

ആദ്യനോട്ടത്തില്‍ വെറും ഫണ്‍ ട്രെന്‍ഡായി തോന്നുന്ന ഈ ഹസ്‌കി ഡാന്‍സ് ഇപ്പോള്‍ ബ്രാന്‍ഡുകള്‍ക്കും മാര്‍ക്കറ്റിംഗിനും പുതിയ വഴിയൊരുക്കിയിരിക്കുകയാണ്. കേരളത്തിലെ മില്‍മ ഉള്‍പ്പെടെ നിരവധി ബ്രാന്‍ഡുകള്‍ ഈ ട്രെന്‍ഡ് ഉപയോഗിച്ച് പ്രചാരണ വീഡിയോകള്‍ ഇറക്കിയിട്ടുണ്ട്.

ആദ്യമായി, പഴയ നോര്‍ത്ത് ഇന്ത്യന്‍ ടിക്ടോക് വീഡിയോകളെ റോസ്റ്റ് ചെയ്യുന്ന രീതിയില്‍ പേജുകള്‍ വിഡിയോകള്‍ ഒരുക്കി. ആ റോസ്റ്റിന്റെ അവസാനത്തില്‍ ട്വിസ്റ്റായി ഹസ്‌കിയുടെ നൃത്തം ഇതായിരുന്നു ട്രെന്‍ഡിന്റെ ജനനം. തമിഴ് ചിത്രമായ ”വെടി”യിലെ വിശാല്‍ അഭിനയിച്ച ”ഇച്ച് ഇച്ച്” പാട്ടിന്റെ ഭാഗത്താണ് ഹസ്‌കി ചുവടുവെക്കുന്നത്.

ഇപ്പോള്‍ ഹസ്‌കി ഡാന്‍സ് ട്രെന്‍ഡ് ഒരു മീം ഫോര്‍മാറ്റായി മാറിയിരിക്കുന്നു. ”കൂലി” എന്ന സിനിമയിലെ ആമിര്‍ ഖാന്റെ ഇന്റ്രോ സീനിലോ, മമ്മൂട്ടിയും മോഹന്‍ലാലും ചുവടുവെക്കുന്ന എഡിറ്റുകളില്‍ എല്ലായിടത്തും ഹസ്‌കിയുടെ നൃത്തം കയറിക്കൂടിയിരിക്കുകയാണ്.

സോഷ്യല്‍ മീഡിയ പ്രേക്ഷകര്‍ ഇപ്പോള്‍ ഹസ്‌കിയുടെ പുതിയ ഡാന്‍സ് എപ്പോഴാണ് വരുന്നത് എന്ന് കാത്തിരിക്കുന്നു. എന്നാല്‍ ഈ വൈറല്‍ ട്രെന്‍ഡിന്റെ യഥാര്‍ത്ഥ സ്രഷ്ടാവ് ആരെന്നത് ഇന്നും രഹസ്യമായിരിക്കുന്നു.

തമിഴ്, തെലുങ്ക്, മലയാളം പേജുകള്‍ എല്ലാം ഇപ്പോള്‍ ഈ ഹസ്‌കി ഫീവറില്‍ മുങ്ങിക്കുളിക്കുകയാണ് അതുകൊണ്ട് തന്നെ പറയാം, ”ഇത് വെറും നായയുടെ ഡാന്‍സ് അല്ല, സോഷ്യല്‍ മീഡിയയുടെ പുതിയ റിതമാണ്.

സിനിമ കണ്ട പ്രേക്ഷകരിൽ നിന്നെല്ലാം മികച്ച അഭിപ്രായമാണ് ബിനു ജോർജ്ജ് അലക്സാണ്ടറിന്റെ പെർഫോമൻസിന് ലഭിക്കുന്നത്. ചിത്രത്തിന്റെ നിർമ്മാതാക്കളിൽ ഒരാൾ കൂടിയാണ് ഇദ്ദേഹം. ബോഡി ലാംഗ്വേജ്, വോയിസ് മോഡുലേഷൻ, എമോഷണൽ റെസ്ട്രെയിൻ , മൈക്രോ–ഇക്‌സ്പ്രഷൻസ് എന്നിവയിലൂടെ പവർഫുൾ പെർഫോമൻസ് ആണ് ബിനു ജോർജ്ജ് അലക്സാണ്ടർ നടത്തിയിരിക്കുന്നത്. ചിത്രത്തിലെ മറ്റു അഭിനേതാക്കളുമായി കിടപിടിക്കുന്ന രീതിക്കുള്ള അഭിനയമാണ് ഇദ്ദേഹം കാഴ്ച്ച വെച്ചിരിക്കുന്നത് എന്നും, പാവപ്പെട്ടവരെ പലിശയുടെ പേരില്‍ ക്രൂരതകള്‍ക്ക് ഇരയാക്കുന്ന എതിരാളികളായ വില്ലന്മാർക്കിടയിൽ വളരെ സ്ട്രോങ്ങ് കഥാപാത്രമായി തന്നെ ഇദ്ദേഹത്തിന് നിലനിൽക്കാൻ പറ്റി എന്നുള്ളതുമാണ് സിനിമ കണ്ടവരുടെ അഭിപ്രായം.

വില്ലത്തരങ്ങളും ഹീറോയിസവും കാണിക്കുന്ന കഥാപാത്രങ്ങളുള്ള ചിത്രം സന്തോഷ് ടി. കുരുവിളയും ബിനു ജോർജും ചേർന്നാണ് നിർമ്മിച്ചിരിക്കുന്നത്. അതിഗംഭീര തീയേറ്റർ അനുഭവം പ്രേക്ഷകർക്ക് നൽകാൻ സാധിച്ച ചിത്രം ഇപ്പോഴും തീയേറ്ററുകളിൽ മുൻപിട്ട് നിൽക്കുകയാണ്. മലയാളത്തിലെയും തമിഴിലെയും മുൻനിര അഭിനേതാക്കളും പ്രഗത്ഭരായ സാങ്കേതിക വിദഗ്ദരും ഒരുമിച്ച ചിത്രം കൂടിയാണിത്. സിനിമയുടെ പൾസ് അറിയുന്ന നിർമാതാവിൻ്റെ ഇടപെടൽ ‘ബൾട്ടി’യിൽ തെളിഞ്ഞു കാണാം. വളരെയധികം പെർഫെക്ഷനോടു കൂടിയാണ് ചിത്രത്തിലെ ഓരോ സീനുകളും എടുത്തു വെച്ചിരിക്കുന്നത്. സംവിധായകനും ക്യാമറമാനും മ്യൂസിക്ക് ഡയക്റ്ററും സ്റ്റണ്ട് മാസ്റ്റേഴ്സുമടങ്ങുന്ന ക്രൂ തങ്ങളുടെ ഏറ്റവും മികച്ച ഔട്ട്പുട്ട് സിനിമക്കു നൽകിയിട്ടുണ്ട് എന്നാണ് പ്രേക്ഷകരുടെ അഭിപ്രായം.

ഛായാഗ്രഹണം: അലക്സ് ജെ പുളിക്കൽ, ക്രിയേറ്റീവ് ഡയറക്ടർ: വാവ നുജുമുദ്ദീൻ, എഡിറ്റർ: ശിവ്കുമാർ വി പണിക്കർ, കോ പ്രൊഡ്യൂസർ: ഷെറിൻ റെയ്ച്ചൽ സന്തോഷ്, എക്‌സിക്യൂട്ടീവ് പ്രൊഡ്യൂസർ: സന്ദീപ് നാരായൺ, കലാസംവിധാനം: ആഷിക് എസ്, ഓഡിയോഗ്രഫി: വിഷ്ണു ഗോവിന്ദ്, അഡീഷണൽ ഡയലോഗ്: ടിഡി രാമകൃഷ്ണൻ, സംഘട്ടനം: ആക്ഷൻ സന്തോഷ്, വിക്കി, പ്രൊജക്ട് കോർഡിനേറ്റർ: ബെന്നി കട്ടപ്പന, പ്രൊഡക്ഷൻ കൺട്രോളർ: കിഷോർ പുറക്കാട്ടിരി, ചീഫ് അസ്സോസിയേറ്റ് ഡയറക്ടർ: ശ്രീലാൽ എം, അസോസിയേറ്റ് ഡയറക്ടർമാർ: ശബരിനാഥ്, രാഹുൽ രാമകൃഷ്ണൻ, സാംസൺ സെബാസ്റ്റ്യൻ, മെൽബിൻ മാത്യു (പോസ്റ്റ് പ്രൊഡക്ഷൻ), വസ്ത്രാലങ്കാരം: മെൽവി ജെ, ഡി.ഐ: കളർ പ്ലാനെറ്റ്, ഗാനരചന: വിനായക് ശശികുമാർ, സ്റ്റിൽസ്: സജിത്ത് ആർ.എം, വിഎഫ്എക്സ്: ആക്സൽ മീഡിയ, ഫോക്സ്ഡോട്ട് മീഡിയ, കളറിസ്റ്റ്: ശ്രീക് വാര്യർ, ഗ്ലിംപ്സ് എഡിറ്റ്: ഹരി ദേവകി, ഡിസ്ട്രിബ്യൂഷൻ: മൂൺഷോട്ട് എന്‍റർ‍ടെയ്ൻമെന്‍റ്സ് പ്രൈവറ്റ് ലി., എസ്ടികെ ഫ്രെയിംസ്, സിഒഒ: അരുൺ സി തമ്പി, സിഎഫ്ഒ: ജോബീഷ് ആന്‍റണി, പോസ്റ്റ് പ്രൊഡക്ഷൻ സൂപ്പർവൈസർ: മിലിന്ദ് സിറാജ്, ടൈറ്റിൽ ഡിസൈൻസ്: റോക്കറ്റ് സയൻസ്, പിആർഒ: ഹെയിൻസ്, യുവരാജ്, വിപിൻ കുമാർ, പബ്ലിസിറ്റി ഡിസൈൻസ്: ആന്‍റണി സ്റ്റീഫൻ, റോക്കറ്റ് സയൻസ്, വിഷ്വൽ പ്രൊമോഷൻസ്: സ്നേക്ക്പ്ലാന്‍റ് എൽഎൽപി.

ഇന്ത്യ ഉള്‍പ്പെടെ ആറ് രാജ്യങ്ങളില്‍ യുണൈറ്റഡ് സ്റ്റേറ്റ്സ്, കാനഡ, യുണൈറ്റഡ് കിംഗ്ഡം, ഓസ്‌ട്രേലിയ, ന്യൂസിലാന്‍ഡ് മെറ്റ എഐ ഉപയോഗിക്കുമ്പോള്‍ ദീപികയുടെ ശബ്ദം കേള്‍ക്കാന്‍ സാധിക്കും. വീഡിയോയില്‍ ദീപിക ”ഹായ്, ഞാന്‍ ദീപിക പദുകോണ്‍. ഞാനാണ് മെറ്റ എഐയിലെ ശബ്ദത്തിനുടമ. അതിനാല്‍ എന്റെ ശബ്ദത്തിനായി ടാപ്പ് ചെയ്യൂ” എന്നാണ് ആരംഭിക്കുന്നത്.

മെറ്റ എഐ വോയിസ് അസിസ്റ്റന്റില്‍ ശബ്ദം നല്‍കാന്‍ അവസരം ലഭിക്കുന്ന ആദ്യ ഇന്ത്യന്‍ സെലിബ്രിറ്റിയാണ് ദീപിക. എഐ വളര്‍ച്ചയിലുള്ള ഡിജിറ്റല്‍ കാലഘട്ടത്തില്‍ ആളുകള്‍ക്ക് പരിചിതമായ ശബ്ദമാകണമെന്നതിനാലാണ് മെറ്റ ദീപികയെ തിരഞ്ഞെടുക്കിയത്. ഇതിലൂടെ റേ-ബാന്‍ മെറ്റ സ്മാര്‍ട്ട് ഗ്ലാസുകള്‍ ഉള്‍പ്പെടെയുള്ള ഡിവൈസുകളില്‍ ദീപികയുടെ ശബ്ദത്തിലൂടെ സഹായം തേടുകയും ചാറ്റ് ചെയ്യുകയും ചെയ്യാന്‍ സാധിക്കും.

ഗൂഗിള്‍ ലോഗോയിലെ ഓരോ അക്ഷരവും വിഭവങ്ങളായി രൂപപ്പെടുത്തിയിരിക്കുന്നു. ഇംഗ്ലീഷ് അക്ഷരം ‘ജി’ അരി, ആദ്യത്തെ ‘ഒ’ വെള്ള നിറത്തിലുള്ള കറിയും( ഇഡലിക്കൊഴിച്ചുകൂടാന്‍ കഴിയാത്ത ചമ്മന്തിയാകാനാണ് സാധ്യത), രണ്ടാമത്തെ ‘ഒ’യില്‍ പാരമ്പരാഗതമായി ഇഡലി ഉണ്ടാക്കുന്ന പാത്രവും, ‘ജി’യില്‍ ഇഡലികളും ‘എല്‍’ സാമ്പാറും മറ്റൊരു കറിയും അവസാന അക്ഷരമായ ‘ഇ’ ഒരു സൈഡ് ഡിഷ്, ഇങ്ങനെയാണ് ഡൂഡ്ല്‍ അവതരിപ്പിച്ചിരിക്കുന്നത്.

ഡൂഡിലില്‍ ക്ലിക്ക് ചെയ്താല്‍ ഇഡലിയുടെ ചരിത്രവും പ്രാധാന്യവും കുറിച്ചുള്ള വിവരങ്ങളും കാണാം. ”ഫുഡ് ആന്‍ഡ് ഡ്രിങ്ക് ഡൂഡില്‍” പരമ്പരയിലെ ഭാഗമായിട്ടാണ് ഈ പ്രത്യേക അവതരണം, ഇന്ത്യക്കായി പ്രത്യേകം രൂപകല്‍പ്പന ചെയ്തതുമാണ് ഇത്.

ഇഡലിയുടെ ഉത്ഭവത്തെക്കുറിച്ച് പല അഭിപ്രായങ്ങളുമുണ്ട്. ചിലര്‍ ഇന്ത്യയാണ് ഇഡലിയുടെ ജന്മദേശം എന്ന് വിശ്വസിക്കുന്നപ്പോള്‍, ചില ചരിത്രകാരന്മാര്‍ ഇത് ഇന്തോനേഷ്യയിലോ അറേബ്യയിലോ നിന്നായിരിക്കാമെന്ന് പറയുന്നു.

ചരിത്രകാരന്‍ കെ.ടി. അചായയുടെ അഭിപ്രായത്തില്‍, മധ്യകാല ഇന്തോനേഷ്യന്‍ വിഭവമാണ് ഇഡലി അവിടെ പോയിരുന്ന ഇന്ത്യന്‍ പാചകക്കാര്‍ ഈ രീതി പഠിച്ച് നാട്ടില്‍ പ്രചരിപ്പിച്ചതാകാം. മറ്റൊരു തിയറിയനുസരിച്ച്, ദക്ഷിണേന്ത്യയില്‍ താമസിച്ചിരുന്ന അറബ് വ്യാപാരികള്‍ ഉണ്ടാക്കിയ റൈസ് കേക്കാണ് പിന്നീട് ഇഡലിയായി പരിണമിച്ചത്.

ഗൂഗിളിന്റെ ഈ ഡൂഡില്‍ ദക്ഷിണേന്ത്യന്‍ പാചക പാരമ്പര്യത്തിനും സംസ്‌കാരത്തിനും ഒരു മനോഹരമായ ആദരവായി മാറിയിരിക്കുന്നു.