Culture
വ്യാപം അഴിമതി: സി.ബി.ഐ കുറ്റപത്രം സമര്പ്പിച്ചു
ന്യൂഡല്ഹി: മധ്യപ്രദേശില് ആയിരക്കണക്കിന് വിദ്യാര്ത്ഥികളെ ബാധിച്ച കോടികളുടെ വ്യാപം അഴിമതിക്കേസില് 490 പേരെ പ്രതിചേര്ത്ത് സി.ബി.ഐ കുറ്റപത്രം സമര്പ്പിച്ചു. അതേസമയം സി.ബി.ഐ സമര്പ്പിച്ച കുറ്റപത്രത്തില് മുഖ്യമന്ത്രിയുടെ പേരില്ല. മുതിര്ന്ന കോണ്ഗ്രസ് നേതാവ് ദിഗ്വിജയ് സിങ് ആരോപിച്ച രീതിയില് അന്വേഷണത്തിനിടെ കണ്ടെത്തിയ ഹാര്ഡ് ഡ്രൈവുകളില് നിന്നും ഡാറ്റകള് നീക്കം ചെയ്തിട്ടില്ലെന്നും സി.ബി.ഐ കോടതിയെ അറിയിച്ചു. മധ്യപ്രദേശ് പ്രൊഫഷണല് എക്സാമിനേഷന് ബോര്ഡ് (വ്യാപം) 2013ല് നടത്തിയ പ്രീ മെഡിക്കല് പരീക്ഷയുമായി ബന്ധപ്പെട്ട കേസിലാണ് സി.ബി.ഐ കുറ്റപത്രം സമര്പ്പിച്ചിട്ടുള്ളത്.
രാജ്യത്തുടനീളമുള്ള വിദ്യാര്ത്ഥികളെ വല വീശിപ്പിടിക്കാന് സംഘടിതമായ റാക്കറ്റ് പ്രവര്ത്തിച്ചിട്ടുണ്ടെന്നും മെഡിക്കല് വിദ്യാര്ത്ഥികളെന്ന പേരില് ഇവര്ക്കു പകരക്കാരായി മറ്റുള്ളവര് 2008 മുതല് പരീക്ഷ എഴുതിയതായും സി.ബി.ഐ കുറ്റപത്രത്തില് ആരോപിക്കുന്നു. ലക്ഷക്കണക്കിന് രൂപ വാങ്ങി ഇടനിലക്കാര് ഉത്തരക്കടലാസുകള് വ്യാജമായി തയാറാക്കുന്നതായും വിദ്യാര്ത്ഥികള്ക്കു വേണ്ടി പ്രൊഫഷണലുകള് ചോദ്യങ്ങള്ക്കു ഉത്തരം കണ്ടെത്തിയതായും ഇതിന് അഞ്ചു ലക്ഷം രൂപ വരെ ഈടാക്കിയതായും കുറ്റപത്രത്തിലുണ്ട്. 2013ല് ഇന്ഡോറില് 20 പേരെ പിടികൂടിയതോടെയാണ് വ്യാപം അഴിമതിക്കേസ് പുറത്താവുന്നത്.
സംസ്ഥാനം ഭരിക്കുന്ന ശിവരാജ് സിങ് ചൗഹാന് സര്ക്കാറിനെ പ്രതിരോധത്തിലാക്കിയ വ്യാപം അഴിമതിയുടെ പേരില് ബി.ജെ.പി നേതാക്കള്, ഉദ്യോഗസ്ഥര്, ഇടനിലക്കാര് തുടങ്ങി 2000 പേരെ അറസ്റ്റു ചെയ്തിരുന്നു.
എന്നാല് രണ്ട് വര്ഷം മുമ്പ് വ്യാപം കേസില് സാക്ഷി മൊഴി നല്കിയവരെല്ലാം ദുരൂഹ സാഹചര്യത്തില് കൊല്ലപ്പെട്ടതോടെയാണ് കേസ് രാജ്യ ശ്രദ്ധയിലേക്കു വരുന്നത്.
മുന് മധ്യപ്രദേശ് ഗവര്ണറുടെ മകനടക്കം കേസുമായി ബന്ധപ്പെട്ട 40ലെറെ പേരാണ് ദുരൂഹ സാഹചര്യത്തില് കൊല്ലപ്പെട്ടത്. ചിലരെ പാലങ്ങള്ക്ക് താഴെയും റയില്വേ ട്രാക്കിലും മരിച്ച നിലയില് കാണപ്പെട്ടപ്പോള്, മറ്റു ചിലര് നിഗൂഡമായ അസുഖങ്ങള് ബാധിച്ചാണ് മരിച്ചത്. മരണങ്ങള്ക്കു പിന്നില് ബി. ജെ. പിയാണെന്ന് കോണ്ഗ്രസ് ആരോപിച്ചിരുന്നു.
വ്യാപം അഴിമതി റാക്കറ്റിനെ മറക്കാന് മുഖ്യമന്ത്രിയുടെ നേതൃത്വത്തില് ശ്രമം നടക്കുന്നതായും കോണ്ഗ്രസ് ആരോപിച്ചിരുന്നു. എന്നാല് ചൗഹാനും ബി.ജെ.പിയും ഈ ആരോപണം നിഷേധിച്ചിരുന്നു. സംസ്ഥാനം നിയമസഭാ തെരഞ്ഞെടുപ്പിനെ അഭിമുഖീകരിക്കാന് പോകുന്ന സന്ദര്ഭത്തിലാണ് സി.ബി.ഐ മുഖ്യമന്ത്രിയെ ഒഴിവാക്കി കുറ്റപത്രം സമര്പ്പിച്ചത്.
GULF
യുഎസ്-ഇറാന് സംഘര്ഷം; കുവൈത്ത് വ്യോമാതിര്ത്തി താല്ക്കാലികമായി അടച്ചു, വിമാന സര്വീസുകള് പുനഃക്രമീകരിച്ചു
എക്സിലൂടെയുളള അറിയിപ്പ് പ്രകാരം യാത്രക്കാര് അവരുടെ വിമാനത്തിന്റെ നിലവിലെ സ്ഥിതി നിരന്തരം പരിശോധിക്കണമെന്ന് എയര്ലൈന് അഭ്യര്ഥിച്ചു.
കുവൈത്ത് സിറ്റി: യുഎസ്-ഇറാന് സംഘര്ഷം രൂക്ഷമായതിനെ തുടര്ന്ന് കുവൈത്ത് തങ്ങളുടെ വ്യോമാതിര്ത്തി താല്ക്കാലികമായി അടച്ചു. കുവൈത്ത് എയര്വേയ്സിന്റെ ഭൂരിഭാഗം വിമാന സര്വീസുകളും പുനഃക്രമീകരിച്ചിട്ടുണ്ട്. എക്സിലൂടെയുളള അറിയിപ്പ് പ്രകാരം യാത്രക്കാര് അവരുടെ വിമാനത്തിന്റെ നിലവിലെ സ്ഥിതി നിരന്തരം പരിശോധിക്കണമെന്ന് എയര്ലൈന് അഭ്യര്ഥിച്ചു. ബുക്കിംഗിനൊപ്പം രജിസ്റ്റര് ചെയ്തിരിക്കുന്ന മൊബൈല് നമ്പറിലേക്ക് സര്വീസ് മാറ്റങ്ങളെക്കുറിച്ചുള്ള അറിയിപ്പുകളും എസ്എംഎസുകളും അയയ്ക്കുമെന്നും അറിയിച്ചു. വിമാനസര്വീസില് മാറ്റം വന്ന യാത്രക്കാര്ക്ക് കസ്റ്റമര് സര്വീസുമായി ബന്ധപ്പെടാം. കുവൈത്തിനുള്ളില്: 171, കുവൈത്തിന് പുറത്തുനിന്ന്: +965 24345555 അല്ലെങ്കില് 171, വാട്ട്സ്ആപ്പ്: +965 1802050.
അമേരിക്കയും ഇറാനും തമ്മിലുള്ള സംഘര്ഷം ശക്തമായ സാഹചര്യത്തില്, മിസൈല്ഡ്രോണ് ആക്രമണ ഭീഷണി വര്ധിച്ചതിനെ തുടര്ന്നാണ് കുവൈത്ത് വ്യോമാതിര്ത്തി അടച്ചത്. ഹോര്മുസ് കേന്ദ്രീകരിച്ചുള്ള സംഘര്ഷത്തിന്റെ പശ്ചാത്തലത്തില് രാജ്യത്തിന്റെ വ്യോമപ്രതിരോധ സംവിധാനം ജാഗ്രതയിലാണെന്നും, ആക്രമണങ്ങളെ ഫലപ്രദമായി തടയാന് പ്രതിരോധ സംവിധാനങ്ങള് സജീവമായി പ്രവര്ത്തിക്കുന്നുവെന്നും റിപ്പോര്ട്ടില് പറയുന്നു. യാത്രക്കാര് ഏറ്റവും പുതിയ വിവരങ്ങള് പരിശോധിച്ച ശേഷമേ വിമാനത്താവളത്തിലേക്ക് യാത്രതിരിക്കാവൂ എന്നും എയര്ലൈന് നിര്ദേശിച്ചു.
news
ശ്രീശാന്തിന് ഏര്പ്പെടുത്തിയിരുന്ന മൂന്ന് വര്ഷത്തെ വിലക്ക് പിന്വലിച്ചു; മാപ്പപേക്ഷ നല്കിയതിനെത്തുടര്ന്നാണ് നടപടി
കേരള ക്രിക്കറ്റ് ലീഗിന്റെ പുതിയ സീസണ് ആരംഭിക്കാനിരിക്കെയാണ് ശ്രീശാന്തിന് അനുകൂലമായ ഈ നിര്ണായക തീരുമാനം വന്നിരിക്കുന്നത്.
തിരുവനന്തപുരം: മുന് ഇന്ത്യന് താരം എസ്. ശ്രീശാന്തിന് ഏര്പ്പെടുത്തിയിരുന്ന മൂന്ന് വര്ഷത്തെ വിലക്ക് പിന്വലിച്ചു. കെസിഎ ഭാരവാഹികള്ക്കെതിരെ ഉന്നയിച്ച വിമര്ശനങ്ങളില് ശ്രീശാന്ത് നിരുപാധികം ഖേദം പ്രകടിപ്പിച്ച് മാപ്പപേക്ഷ നല്കിയതിനെത്തുടര്ന്നാണ് നടപടി. കേരള ക്രിക്കറ്റ് ലീഗിന്റെ പുതിയ സീസണ് ആരംഭിക്കാനിരിക്കെയാണ് ശ്രീശാന്തിന് അനുകൂലമായ ഈ നിര്ണായക തീരുമാനം വന്നിരിക്കുന്നത്.
കഴിഞ്ഞ കെസിഎല് സീസണ് മത്സരങ്ങള്ക്ക് തൊട്ടുമുമ്പായിരുന്നു ദൃശ്യ-സമൂഹ മാധ്യമങ്ങളിലൂടെ അസോസിയേഷന് അപകീര്ത്തി വരുത്തുന്ന രീതിയില് സംസാരിച്ചതിന് ശ്രീശാന്തിന് കെസിഎ വിലക്കേര്പ്പെടുത്തിയത്. സഞ്ജു സാംസണെ പിന്തുണച്ചുകൊണ്ട് കെസിഎ നേതൃത്വത്തിനെതിരെ താരം കടുത്ത ഭാഷയില് രംഗത്തുവന്നിരുന്നു. ഈ നടപടിക്കെതിരെ ശ്രീശാന്ത് തിരുവനന്തപുരം മുന്സിഫ് കോടതിയെ സമീപിച്ചെങ്കിലും കോടതി ഹര്ജി തള്ളിയിരുന്നു. ഇതോടെയാണ് അസോസിയേഷന് മുന്നില് ഔദ്യോഗികമായി മാപ്പപേക്ഷ സമര്പ്പിക്കാന് ശ്രീശാന്ത് തയ്യാറായത്.
-
kerala1 day agoമുസ്ലിം യൂത്ത് ലീഗ് കോഴിക്കോട് ജില്ലാ സമ്മേളനം “ഇൻസാഫ് ബാഗ്” സപ്തംബർ 9,10,11 തീയതികളിൽ കോഴിക്കോട്
-
News1 day agoവനിതാ ഏഷ്യാ കപ്പ് ഫൈനലിന് മുന്നേ പുകഞ്ഞ് നയതന്ത്ര വിവാദം; കിരീടം നൽകുന്നത് മൊഹ്സിൻ നഖ്വിയെങ്കിൽ ഇന്ത്യയുടെ നിലപാടെന്ത്?
-
News1 day ago‘ലോകോത്തര’ താരത്തെ വിറ്റത് ആന മണ്ടത്തരം; സൂപ്പർ താരത്തെ കൈവിട്ട ചെൽസി മാനേജ്മെന്റിനെതിരെ ആഞ്ഞടിച്ച് മുൻ താരം
-
india2 days agoമഹാരാഷ്ട്രയില് മാത്രം കഴിഞ്ഞ രണ്ട് വര്ഷത്തിനിടെ മരണപ്പെട്ടത് 590-ലധികം ആദിവാസി വിദ്യാര്ഥികള്’; ഞെട്ടിപ്പിക്കുന്ന വിവരങ്ങള് പുറത്തുവിട്ട് അഭിജിത് ദിപ്കെ
-
News1 day agoദുലീപ് ട്രോഫി ഫൈനലിൽ ഈസ്റ്റ് സോണിന്റെ റൺമല; ഇരട്ട സെഞ്ചുറിയുമായി ഇഷാൻ കിഷൻ, മിന്നിത്തിളങ്ങി കുമാർ കുഷാഗ്രയും
-
More1 day agoഇതിഹാസത്തിന്റെ വഴിയിൽ അടുത്ത തലമുറ: ഇന്റർ മയാമിക്ക് നേപ്പിൾസ് കപ്പ് സമ്മാനിച്ച് മെസ്സിയുടെ മകൻ മാറ്റിയോ
-
News2 days agoഇനി സൈബർ തട്ടിപ്പിൽ വീഴില്ല; വാട്സ്ആപ്പിൽ ‘സൈബർ വാൾ’ ചാറ്റ്ബോട്ടുമായി കേരള പോലീസ്
-
kerala1 day agoചരിത്രത്തിലാദ്യം: തൃശ്ശൂരിനെ മറികടന്ന് തിരൂർ സബ് ആർ.ടി.ഒ; കേരളത്തിലെ വാഹന രജിസ്ട്രേഷനിൽ അഞ്ചാമത്