ന്യൂഡല്ഹി: സി.ബി.എസ്.ഇ 12ാം ക്ലാസ് പരീക്ഷാഫലം പ്രഖ്യാപിച്ചു. 85.20 മാണ് വിജയശതമാനം. എന്നാല് മുന് വര്ഷത്തെ അപേക്ഷിച്ച് വിജയശതമാനത്തില് 3.19 ശതമാനമാണ് കുറവുണ്ടായത്.
അതേസമയം കേരളം, ലക്ഷദ്വീപ് ഉള്പ്പെടുന്ന തിരുവനന്തപുരം മേഖല 95.62 ശതമാനം വിജയത്തോടെ ഒന്നാം സ്ഥാനത്തെത്തി. പ്രയാഗ് രാജ് മേഖലയിലാണ് ഏറ്റവും കുറഞ്ഞ വിജയശതമാനം. 72.43 ശതമാനമാണ് ഇവിടത്തെ വിജയം.
cbse.gov.in, results.cbse.nic.in എന്നീ വെബ്സൈറ്റുകളിലൂടെ വിദ്യാര്ഥികള്ക്ക് ഫലമറിയാം. കൂടാതെ ഡിജിലോക്കര്, ഉമാങ് ആപ് വഴിയും എസ്.എം.എസ് സംവിധാനത്തിലൂടെയും വിദ്യാര്ഥികള്ക്ക് ഫലം പരിശോധിക്കാനാകും. ഇന്റര്നെറ്റ് സൗകര്യം പരിമിതമായ സ്ഥലങ്ങളിലുള്ളവര്ക്കായി ഐ.വി.ആര്.എസ് സംവിധാനവും ഒരുക്കിയിട്ടുണ്ട്.
വിജയശതമാനം കൂടുതല് പെണ്കുട്ടികള്ക്കാണ്. ആണ്കുട്ടികളേക്കാള് 6.73 ശതമാനം അധികം വിജയശതമാനവുമായി പെണ്കുട്ടികള് മുന്നേറി. 88.86 ആണ് പെണ്കുട്ടികളുടെ വിജയശതമാനം. 82.13 ശതമാനമാണ് ആണ്കുട്ടിക?ളുടെ വിജയം.
18 ലക്ഷത്തിലധികം വിദ്യാര്ഥികളാണ് ഇത്തവണ പ്ലസ്ടു പരീക്ഷ എഴുതിയത്. ഇതില് 10.2 ലക്ഷം ആണ്കുട്ടികളും 8.3ലക്ഷം പെണ്കുട്ടികളും ഉള്പ്പെടും. ഫെബ്രുവരി 17 മുതല് ഏപ്രില് 10വരെയാണ് പരീക്ഷ നടന്നത്.