സംസ്ഥാനത്ത് ബുധനാഴ്ച മുതല് ഒറ്റപ്പെട്ട ശക്തമായ മഴയ്ക്ക് സാധ്യത. കൊടുംചൂടില് ജനം വലയുന്നതിനിടെയാണ് വേനല്മഴ വന്നേക്കുമെന്ന ആശ്വാസകരമായ വാര്ത്ത. പത്തനംതിട്ട, ഇടുക്കി, കണ്ണൂര്, കാസര്ഗോഡ് ജില്ലകളില് ബുധനാഴ്ച യെല്ലോ അലേര്ട്ട് പ്രഖ്യാപിച്ചു. മഴയ്ക്കൊപ്പം ശക്തമായ കാറ്റും ഇടിമിന്നലിനും സാധ്യതയുള്ളതിനാല് പൊതുജനങ്ങള് ജാഗ്രത പുലര്ത്തണം.
ഇടുക്കി, വയനാട് ഒഴികെയുള്ള 12 ജില്ലകളില് താപനിലയുമായി ബന്ധപ്പെട്ട യെല്ലോ അലേര്ട്ട് ഇന്നും നല്കിയിട്ടുണ്ട്. ജാഗ്രത തുടരണമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇന്നും സംസ്ഥാനത്ത് നിരവധി പേര്ക്ക് സൂര്യാതപമേറ്റതായി റിപ്പോര്ട്ടുകളുണ്ട്.