ചെന്നൈ: മരടിലെ ഫഌറ്റുകള് പൊളിക്കുന്നത് പാരിസ്ഥിതിക പ്രശ്നങ്ങള് സൃഷ്ടിക്കുമെന്ന് ചെന്നൈ ഐ.ഐ.ടി സംഘത്തിന്റെ റിപ്പോര്ട്ട്. ഫഌറ്റുകളുടെ ഒരു കിലോമീറ്ററിലധികം ചുറ്റളവില് പാരിസ്ഥിതിക പ്രശ്നമുണ്ടാകും. സമീപത്തെ കെട്ടിടങ്ങള്ക്ക് നാശമുണ്ടാകും. നിയന്ത്രിത സ്ഫോടങ്ങളാണ് നല്ലതെന്നും റിപ്പോര്ട്ടില് പറയുന്നു.
അതേസമയം, ഫഌറ്റില് നിന്നും ഒഴിയണമെന്നാവശ്യപ്പെട്ട് മരട് നഗരസഭ നല്കിയ നോട്ടീസ് ചോദ്യം ചെയ്ത് ഫഌറ്റുടമ ഇന്ന് ഹൈക്കോടതിയില് ഹര്ജി നല്കും. ഹോളി ഫെയ്ത്ത് ഫ്ലാറ്റിലെ കെ.കെ നായരാണ് ഹര്ജിക്കാരന്. താന് കൃത്യമായി നികുതി നല്കുന്നതാണന്നും തനിക്ക് ഉടമസ്ഥാവകാശമുണ്ടന്നും അതിനാല് നഗരസഭ പതിച്ച നോട്ടീസ് നിയമപരമായി നിലനില്ക്കില്ലെന്നുമാണ് ഹര്ജിയില് ചൂണ്ടിക്കാണിക്കുന്നത്.
സെപ്തംബര് 20നുള്ളില് തീരദേശപരിപാലന നിയമം ലംഘിച്ച് നിര്മ്മിച്ച ഫഌറ്റുകള് പൊളിച്ച് റിപ്പോര്ട്ട് നല്കാനാണ് സുപ്രീം കോടതിയുടെ അന്ത്യശാസനം. ഒഴിപ്പിക്കാന് നഗരസഭ നല്കിയ സമയപരിധി തീര്ന്നിട്ടും ഒരു താമസക്കാര് പൊലും മാറിയിട്ടില്ല.