രാമേശ്വരത്ത് മേഘവിസ്ഫോടനം. മൂന്ന് മണിക്കൂറില് 362 മീല്ലീമീറ്റര് മഴയാണ് പെയ്തത്. വടക്കുകിഴക്കന് മണ്സൂണ് ശക്തിപ്രാപിച്ചതിന് പിന്നാലെ തമിഴ്നാട്ടിലെ തെക്കന് ജില്ലകളില് വ്യാപക മഴയാണ്. വെള്ളക്കെട്ടും സുരക്ഷാ പ്രശ്നങ്ങളും ചൂണ്ടിക്കാട്ടി പല ജില്ലകളിലും സ്കൂളുകള്ക്ക് അവധി പ്രഖ്യാപിച്ചു.
രണ്ട് ദിവസമായി പെയ്യുന്ന കനത്ത മഴയെ തുടര്ന്ന് തിരുനെല്വേലിയിലെ എല്ലാ സര്ക്കാര്, സ്വകാര്യ സ്കൂളുകള്ക്കും ഇന്ന് അവധി പ്രഖ്യാപിച്ചിരുന്നു. തൂത്തുക്കുടി, തെങ്കാശി ജില്ലകളിലും സമാനമായ രീതിയില് അവധി പ്രഖ്യാപിച്ചിട്ടുണ്ട്.
ബുധനാഴ്ച ഉച്ചയ്ക്ക് ശേഷം മൂന്ന് മണിക്കൂര് നീണ്ടുനിന്ന മഴയില് താഴ്ന്ന പ്രദേശങ്ങളില് വെള്ളക്കെട്ട് അനുഭവപ്പെട്ടു. പാമ്പന് കാലാവസ്ഥ കേന്ദ്രത്തില് ഏകദേശം 19 സെന്റിമീറ്റര് മഴയാണ് രേഖപ്പെടുത്തിയത്. വടക്കുകിഴക്കന് മണ്സൂണ് ശക്തിപ്രാപിച്ചതിന് പിന്നാലെ തമിഴ്നാട്ടില് കഴിഞ്ഞ ആറുദിവസമായി വ്യാപക മഴയാണ്. തെക്കന് ജില്ലകളിലാണ് മഴ ശക്തമായിരിക്കുന്നത്.