ബേപ്പൂര് സ്റ്റേഷനിലെ പ്രൊബേഷന് എസ്ഐക്ക് സ്ഥലമാറ്റം. യുവാവിനെ മര്ദിച്ചെന്ന പരാതിയിലാണ് എസ്ഐ ധനീഷിനെ ജില്ലാ സായുധ ആസ്ഥാനത്തേക്ക് സ്ഥലം മാറ്റിയത്.
എസ്ഐ ധനീഷ് ഉള്പ്പെടെ നാലു പേര് മര്ദിച്ചെന്നായിരുന്നു യുവാവിന്റെ പരാതി. ഇരുചക്ര വാഹനത്തില് മൂന്നു പേര് സഞ്ചരിച്ചതിനാണ് പരാതിക്കാരനായ അനന്ദുവിനെ സ്റ്റേഷനിലെത്തിച്ചത്. പൊലീസ് പട്ടിക ഉപയോഗിച്ച് നിരവധി തവണ അടിച്ചുവെന്ന് യുവാവ് ആരോപിക്കുന്നു.