കോഴിക്കോട്: പഠനം പൂർത്തീകരിച്ച ഡി എൽ എഡ് അറബിക്, ഉർദു വിദ്യാർത്ഥികൾക്കായി കോൺവെക്കേഷൻ സംഘടിപ്പിച്ച് നടക്കാവ് ഗവൺമെന്റ് ഇൻസ്റ്റിറ്റ്യൂട്ട് ഓഫ് ടീച്ചർ എജുക്കേഷൻ (ജി.ഐ.ടി.ഇ). രണ്ടു വർഷത്തെ ഭാഷാ അധ്യാപക വിദ്യാർത്ഥി കോഴ്സ് പൂർത്തീകരിച്ച നൂറോളം വിദ്യാർഥികൾക്കാണ് കോൺവെക്കേഷൻ സംഘടിപ്പിച്ചത്. വർണ്ണാഭമായ കോൺവെക്കേഷനിൽ മുഴവൻ വിദ്യാർഥികളും സർട്ടിഫിക്കറ്റ് സ്വീകരിച്ചു.
ഗവൺമെന്റ് ഇൻസ്റ്റിറ്റ്യൂട്ട് ഓഫ് ടീച്ചർ എജുക്കേഷൻ (വുമൺ) പ്രിൻസിപ്പൽ ശ്രീമതി ജ്യോതി ഇ എം പ്രസ്തുത പരിപാടിക്ക് അധ്യക്ഷത വഹിച്ചു. ഒന്നാംവർഷ ഭാഷാ വിദ്യാർഥി അംജദ് സുലൈമാൻ സ്വാഗതം പറഞ്ഞു. കോഴിക്കോട് ഡി.ഡി.ഇ മനോജ് കുമാർ.സി പരിപാടി ഉദ്ഘാടനം ചെയ്തു.
അബ്ദുൽ വഹാബ് (ടീച്ചർ എഡ്യൂക്കേറ്റർ അറബിക് ഭാഷാ വിഭാഗം) ലത്തീഫ് സി എം (ടീച്ചർ എഡ്യൂക്കേറ്റർ ഉർദു ഭാഷാ വിഭാഗം) ഷഹനാസ് (ടീച്ചർ എഡ്യൂക്കേറ്റർ ഭാഷാ വിഭാഗം) സരിൻകുമാർ (ടീച്ചർ എഡ്യൂക്കേറ്റർ ജനറൽ വിഭാഗം) ഷുഹൈബ് കടലുണ്ടി ( അറബിക് ഭാഷാ വിദ്യാർത്ഥി ) ഷഹനാസ് എച്ച് എം ( മോഡൽ നഴ്സറി വിഭാഗം ) സീനത്ത് (പ്രീ പ്രൈമറി വിഭാഗം ടീച്ചർ എഡ്യൂക്കേറ്റർ) എന്നിവർ ആശംസകൾ അറിയിച്ചു.
കോളേജ് മുൻ ഉർദു ഡിപ്പാർട്ട്മെന്റ് ലീഡറും , കോളേജ് വൈസ് ചെയർമാനും ആയിരുന്ന അനസ് ഉള്ളാട്ടിൽ നന്ദി ആശംസിച്ചു.