ന്യൂഡല്ഹി: രാജ്യത്ത് കോവിഡ് കേസുകളില് വന് കുതിച്ചുചാട്ടം. കഴിഞ്ഞ 24 മണിക്കൂറിനിടെ 1,45,384 പേര്ക്കാണ് കോവിഡ് സ്ഥിരീകരിച്ചത്. ഏറ്റവും ഉയര്ന്ന പ്രതിദിന കണക്കാണിത്. തുടര്ച്ചയായ അഞ്ചാം ദിവസമാണ് പ്രതിദിനം ഒരു ലക്ഷത്തിലേറെ കോവിഡ് കേസുകള് റിപ്പോര്ട്ട് ചെയ്യുന്നത്.
24 മണിക്കൂറിനിടെ 794 മരണങ്ങള് സ്ഥിരീകരിച്ചിട്ടുണ്ട്. 77,567 പേര് രോഗമുക്തി നേടി.
രാജ്യത്ത് ആകെ കോവിഡ് കേസുകളുടെ എണ്ണം 1,32,05,926 ആയി. മരണസംഖ്യ 1,68,436 ആയി ഉയര്ന്നു. 1,19,90,859 പേര് ഇതുവരെ രോഗമുക്തി നേടിയിട്ടുണ്ട്. നിലവില് 10,46,631 പേരാണ് ചികിത്സയിലുള്ളതെന്ന് ആരോഗ്യമന്ത്രാലയം അറിയിച്ചു.