അബുദാബി: യുഎഇയില് ഇന്ന് 1810 പേര്ക്ക് കൂടി കോവിഡ് സ്ഥിരീകരിച്ചു. 1652 പേര് കൂടി രോഗമുക്തരായി. പുതിയ രണ്ട് കോവിഡ് മരണങ്ങള് കൂടി റിപ്പോര്ട്ട് ചെയ്തു.
കഴിഞ്ഞ 24 മണിക്കൂറിനിടെ നടത്തിയ 2,42,415 കോവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള് പ്രകാരം ആകെ 4,83,747 പേര്ക്ക് യുഎഇയില് കോവിഡ് സ്ഥിരീകരിച്ചിട്ടുണ്ട്. ഇവരില് 4,68,456 പേരാണ് ഇതിനോടകം രോഗമുക്തരായത്. 1531 കോവിഡ് മരണങ്ങളും രാജ്യത്ത് റിപ്പോര്ട്ട് ചെയ്തു. നിലവില് 13,760 കൊവിഡ് രോഗികള് യുഎഇയില് ഉണ്ടെന്നാണ് ഔദ്യോഗിക കണക്കുകള്. 4.02 കോടിയിലധികം കൊവിഡ് പരിശോധനകളാണ് ഇതുവരെ യുഎഇയില് നടത്തിയിട്ടുള്ളത്.