തിരുവനന്തപുരം: കന്നുകാലികളെ വില്ക്കുന്നതിനും കശാപ്പു ചെയ്യുന്നതിനും ഏര്പ്പെടുത്തിയ നിയന്ത്രണങ്ങള് രാജ്യത്തെ ദശലക്ഷക്കണക്കിന് ജനങ്ങളുടെ ജീവിതവും ജീവിതമാര്ഗവും തകരാറിലാക്കുന്നതാണെന്നും അതിനാല് തീരുമാനം റദ്ദാക്കണമെന്നും മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്രമോദിക്ക് അയച്ച കത്തില് ആവശ്യപ്പെട്ടു.
കേന്ദ്രം ഇറക്കിയ വിജ്ഞാപന പ്രകാരം കന്നുകാലികളെ കാര്ഷികാവശ്യത്തിന് ഉപയോഗിക്കാനാണെന്ന് രേഖാമൂലം തെളിവ് നല്കിയാലേ ചന്തയില് കാലികളെ വില്ക്കാനും വാങ്ങാനും കഴിയൂ. ഇത് കാര്ഷികാവശ്യത്തിനും വീട്ടാവശ്യത്തിനും കന്നുകാലികളെ ഉപയോഗിക്കുന്ന ജനങ്ങള്ക്ക് വലിയ തിരിച്ചടിയാണ് എന്നും പിണറായി വിജയന് കത്തില് അറിയിച്ചു.