ഇന്ത്യയിലെ ആദ്യത്തെ മൂന്നാം തലമുറ ഡിജിറ്റല് സയന്സ് പാര്ക്കിന് പ്രധാനമന്ത്രി നരേന്ദ്രമോദി തറക്കല്ലിട്ടു. തിരുവനന്തപുരം സെന്ട്രല് സ്റ്റേഡിയത്തില് നടന്ന ഉദ്ഘാടന ചടങ്ങില് ഗവര്ണര് ആരിഫ് മുഹമ്മദ് ഖാന്, മുഖ്യമന്ത്രി പിണറായി വിജയന്, കേന്ദ്ര റെയില്വേ മന്ത്രി അശ്വിനി വൈഷ്ണവ്, സംസ്ഥാന ഗതാഗത മന്ത്രി ആന്റണി രാജു, സംസ്ഥാന റെയില്വേ മന്ത്രി വി. അബ്ദുറഹിമാന്, ഡോ. ശശി തരൂര് എം.പി എന്നിവര് പങ്കെടുത്തു.
കേരള ഡിജിറ്റല് സര്വകലാശാലയോട് ചേര്ന്ന് ഏകദേശം 14 ഏക്കര് സ്ഥലത്താണ് ഡിജിറ്റല് സയന്സ് പാര്ക്ക് നിര്മ്മിക്കുന്നത്. മള്ട്ടി ഡിസിപ്ലിനറി ക്ലസ്റ്റര് അധിഷ്ഠിത ഇന്ററാക്റ്റീവ് – ഇന്നൊവേഷന് കേന്ദ്രീകരിച്ചുള്ള ഡിജിറ്റല് സാങ്കേതികവിദ്യകളുടെ നൂതന ദര്ശനത്തോടെയാണ് പാര്ക്ക് രൂപകല്പ്പന ചെയ്തിരിക്കുന്നത്