ഡിജിറ്റല് – സാങ്കേതിക സര്വകലാശാലയിലെ താത്കാലിക വിസിമാരുടെ പട്ടിക ഉന്നത വിദ്യാഭ്യാസ വകുപ്പ് രാജ്ഭവന് കൈമാറി. സര്ക്കാര് നല്കുന്ന പട്ടികയില് നിന്ന് താത്കാലിക വിസിമാരെ നിയോഗിക്കാനുള്ള ഹൈക്കോടതി വിധിക്ക് പിന്നാലെയാണ് മൂന്ന് പേര് അടങ്ങുന്ന പട്ടിക കൈമാറിയത്.
ഹൈക്കോടതി വിധി വന്നതിനു തൊട്ടടുത്ത ദിവസം തന്നെ ഡിജിറ്റല് സാങ്കേതിക സര്വകലാശാലകളിലേക്ക് നിയമിക്കേണ്ട താത്കാലിക വി സി മാരുടെ പട്ടികയാണ് രാജ്ഭവന് കൈമാറിയിരിക്കുന്നത്. സാങ്കേതിക സര്വകലാശാലയില് ഡയറക്ടര് ഓഫ് ടെക്നിക്കല് എഡ്യുക്കേഷന് ഇന് ചാര്ജ് പ്രൊഫ (ഡോ) ജയപ്രകാശ്, പ്രൊഫ (ഡോ) എ.പ്രവീണ്, പ്രൊഫ (ഡോ) ആര്. സജീബ് എന്നിവര് ഉള്പ്പെടുന്നതാണ് പട്ടിക.
അതേസമയം, സാങ്കേതിക ഡിജിറ്റല് സര്വകലാശാലകളിലെ താത്കാലിക വി സി നിയമനം റദ്ദാക്കിയതിനെതിരെ രാജഭവന് നാളെ സുപ്രീം കോടതിയില് ഹര്ജി ഫയല് ചെയ്യും. പുതിയ പാനല് തയ്യാറാക്കി നല്കിയ പശ്ചാത്തലത്തില് ഗവര്ണര് ജനാധിപത്യപരമായ തീരുമാനം എടുക്കണമെന്ന് ഉന്നത വിദ്യാഭ്യാസ മന്ത്രി ആര് ബിന്ദു പറഞ്ഞു.