തെരുവുനായ കുറുകെ ചാടി ഓട്ടോ നിയന്ത്രണം വിട്ട് മറിഞ്ഞു ഡ്രൈവര് മരിച്ചു. അഴിയൂര് ആവിക്കര റോഡില് പുതിയപറമ്പത്ത് അനില് ബാബു(44) ആണ് മരിച്ചത്. കണ്ണൂക്കരയില് വ്യാഴാഴ്ച്ച വൈകുന്നേരമായിരുന്നു സംഭവം. അപകടത്തില് പരിക്കേറ്റ അനിലിനെ നാട്ടുകാര് വടകര സ്വകാര്യ ആശുപത്രിയില് എത്തിച്ചുവെങ്കിലും രാത്രിയോടെ മരണം സംഭവിക്കുകയായിരുന്നു.
കണ്ണൂക്കരയില് ബസ് സ്റ്റോപ്പിന് മുന്നിലൂടെ പോകുമ്പോള് ഓട്ടോയുടെ മുന്നിലേക്ക് നായ കുറുകെ ചാടുകയായിരുന്നു. ഉടന് തന്നെ വാഹനം തലകീഴായി മറിഞ്ഞു. തലയ്ക്ക് ഗുരുതരമായി പരിക്കേറ്റതാണ് മരണ കാരണമെന്നാണ് അധികൃതര് പറയുന്നത്. മൃതദേഹം വടകര ജില്ലാ ആശുപത്രിയില് സൂക്ഷിച്ചിരിക്കുകയാണ്. മൃതദേഹം പോസ്റ്റ്മോര്ട്ടത്തിന് ശേഷം വീട്ടുകാര്ക്ക് വിട്ടുനല്കും.