തിരുവനന്തപുരം: ‘തൃശൂര് പിടിച്ചതുപോലെ എന്എസ്എസ് പിടിക്കാന് വരേണ്ട’; രൂക്ഷ വിമര്ശനവുമായി സുകുമാരന് നായര് വാര്ത്താസമ്മേളനത്തില് പറഞ്ഞു. സുരേഷ് ഗോപി ജനിച്ചതിന് ശേഷം എന്എസ്എസ് ആസ്ഥാനത്ത് കാലുകുത്തിയിട്ടില്ലെന്നും ഒരിക്കല് വന്നത് രാഷ്ട്രീയ ലക്ഷ്യവുമായാണെന്ന് സുകുമാരന് നായര് കുറ്റപ്പെടുത്തി. ബജറ്റ് ദിവസമായിരുന്നു സുരേഷ് ഗോപിയുടെ വരവ്. എന്എസ്എസ് പരമാധികാര സഭയില് വന്നത് ആരോടും ചോദിക്കാതെയാണ്. അയാള് തൃശ്ശൂര് പിടിച്ച പോലെ എന്എസ്എസ് പിടിക്കാന് വരണ്ട എന്നും ജി സുകുമാരന് നായര് പറഞ്ഞു.