കൊച്ചി: കൊച്ചിയിൽ നിന്ന് ദുബൈയിലേക്ക് പുറപ്പെട്ട എമിറേറ്റ്സ് വിമാനം സുരക്ഷാ കാരണങ്ങളാൽ തിരികെ കൊച്ചി വിമാനത്താവളത്തിൽ ഇറക്കി. ദുബൈ വിമാനത്താവളത്തിലെ നിലവിലെ സുരക്ഷാ സാഹചര്യങ്ങളാണ് വിമാനം തിരിച്ചിറക്കാൻ കാരണമായത്.
ഇപ്പോൾ യാത്രക്കാർ വിമാനത്തിനുള്ളിൽ തന്നെ തുടരുകയാണ്. ദുബൈ വിമാനത്താവളത്തിലെ സ്ഥിതി സാധാരണ നിലയിലായാൽ ഇന്ന് തന്നെ യാത്ര പുനരാരംഭിക്കുമെന്ന് എയർലൈൻ കമ്പനി അറിയിച്ചു.
ഇന്ന് രാവിലെ ദുബൈ വിമാനത്താവളത്തിന് സമീപം നടന്ന ഡ്രോൺ ആക്രമണത്തെ തുടർന്ന് വലിയ തീപിടിത്തം ഉണ്ടായിരുന്നുവെന്ന് റിപ്പോർട്ടുകളുണ്ട്. വിമാനത്താവളത്തിലെ എണ്ണ ടാങ്കിലാണ് തീപിടുത്തമുണ്ടായത്. സംഭവത്തിൽ ആരും പരിക്കേറ്റിട്ടില്ലെന്നും തീയണക്കാനുള്ള ശ്രമങ്ങൾ തുടരുകയാണെന്നും ബന്ധപ്പെട്ട അധികൃതർ അറിയിച്ചു.