കൊല്ലം കരുനാഗപ്പള്ളിയിൽ 728 ഗ്രാം എം.ഡി.എം.എ. യുമായി യുവാവിനെ പോലീസ് അറസ്റ്റ് ചെയ്തു. ആദിനാട് വിഷ്ണു ഭവനത്തിൽ വിഷ്ണുവാണ് അറസ്റ്റിലായത്. സംസ്ഥാനത്തെ ഏറ്റവും വലിയ എം.ഡി.എം. എ. വേട്ടയിൽ പിടിച്ചെടുത്ത ലഹരി മരുന്നിന് 50 ലക്ഷത്തിലധികം രൂപ വില വരുമെന്ന് പോലീസ് പറഞ്ഞു.പോലീസിനെ കണ്ട് ഓടിയ യുവാവ് കൈയിൽ സൂക്ഷിച്ചിരുന്ന ലഹരി പൊതി ഉപേക്ഷിച്ചു രക്ഷപ്പെടാൻ ശ്രമിച്ചു.ബലപ്രയോഗത്തിലൂടെയാണ് കരുനാഗപ്പള്ളി പോലീസ് വിഷ്ണുവിനെ പിടികൂടിയത്.