വയനാട്ടില് വന് മയക്കുമരുന്നു വേട്ട. സിന്തറ്റിക്ക് മയക്കുമരുന്ന് വിഭാഗത്തില്പ്പെടുന്ന എംഡിഎംഎയാണ് പിടിച്ചത്. സുല്ത്താന് ബത്തേരിയിലാണ് മയക്കുമരുന്നുമായി മൂന്നു പേര് അറസ്റ്റിലായത്. കാറിന്റെ ഡാഷ് ബോര്ഡില് ഒളിപ്പിച്ച് കടത്തുകയായിരുന്ന ലഹരിമരുന്നാണ് പിടികൂടിയത്.
കൊടുവള്ളി സ്വദേശി മുഹമ്മദ് മിഥ്ലജ്, സുല്ത്താന് ബത്തേരി സ്വദേശി ജാസിം അലി, അഫ്താഷ് എന്നിവരെയാണ് പൊലീസ് അറസ്റ്റ് ചെയ്തത്. ഇന്നു രാവിലെ മുത്തങ്ങ ആര്ടിഒ ചെക്പോസ്റ്റിസ് സമീപം സുല്ത്താന് ബത്തേരി പൊലീസ് നടത്തിയ വാഹനപരിശോധനയ്ക്കിടെയാണ് ഇവര് പിടിയിലാകുന്നത്. മൂന്നു പ്രതികളെയും വാഹനവും പൊലീസ് കസ്റ്റഡിയിലെടുത്തു. വയനാട്ടില് ഇതുവരെ നടത്തുന്ന ഏറ്റവും വലിയ മയക്കുമരുന്ന് വേട്ടയാണിതെന്ന് പൊലീസ് അറിയിച്ചു.