രണ്ട് മാസത്തിനിടെ മലപ്പുറം വളാഞ്ചേരിയില് മാത്രം എച്ച്ഐവി ബാധിതരായത് പത്ത് പേര്. ലഹരി ഉപയോഗിക്കുന്നവര്ക്കിടയിലാണ് എച്ച്ഐവി ബാധ. ബ്രൗണ് ഷുഗര് കുത്തിവെച്ചതിലൂടെയാണ് എച്ച്ഐവി പകര്ന്നത്. കൂടുതല് പേര്ക്ക് രോഗബാധയുണ്ടാകാന് സാധ്യതയുണ്ടെന്ന് ആരോഗ്യവകുപ്പ് പറഞ്ഞു.
ആരോഗ്യവകുപ്പ് അടിയന്തരയോഗം ചേര്ന്നു. ഒരാള്ക്ക് എച്ച്ഐവി സ്ഥിരീകരിച്ചപ്പോള് കേരള എയ്ഡ്സ് കണ്ട്രോള് സൊസൈറ്റി നടത്തിയ പരിശോധനയിലാണ് വ്യാപനം കണ്ടെത്തിയത്. ഇവരെല്ലാം ഒരേ സൂചികള് ഉപയോഗിക്കുകയായിരുന്നു.