ആലപ്പുഴ ഹൈബ്രിഡ് കഞ്ചാവ് കേസില് നടന് ഷൈന് ടോം ചാക്കോയേയും ശ്രീനാഥ് ഭാസിയെയും പൊലീസ് ഉടന് ചോദ്യം ചെയ്യും. കേസിലെ മുഖ്യപ്രതി തസ്ലീമയെ അറിയാമെന്ന് ഷൈന് മൊഴി നല്കിയതിന്റെ അടിസ്ഥാനത്തിലാണ് നീക്കം.
നേരത്തെ, ആലപ്പുഴയില് നിന്നാണ് രണ്ട് കോടി വിലവരുന്ന ഹൈബ്രിഡ് കഞ്ചാവുമായി തസ്ലീമ സുല്ത്താന അറസ്റ്റിലായത്. നടന്മാരായ ശ്രീനാഥ് ഭാസിക്കും ഷൈന് ടോം ചാക്കോയ്ക്കും കഞ്ചാവ് കൈമാറിയെന്നും നടന്മാര്ക്കൊപ്പം പല തവണ ലഹരി ഉപയോഗിച്ചതായും തസ്ലീമ മൊഴി നല്കിയിരുന്നു. തസ്ലീമയും നടന്മാരും തമ്മിലുള്ള ചാറ്റ് എക്സൈസിന് ലഭിച്ചിരുന്നു.
തുടര്ന്ന് തസ്ലീമയുടെ ഭര്ത്താവ് സുല്ത്താനെയും എക്സൈസ് പിടികൂടിയിരുന്നു. തമിഴ്നാട് -ആന്ധ്ര അതിര്ത്തിയില് വെച്ചാണ് സുല്ത്താനെ പിടികൂടിയത്. കേസിലെ മുഖ്യ കണ്ണിയായിരുന്നു സുല്ത്താന്.