Connect with us

More

ദുല്‍ഖറിന്റെ കുഞ്ഞിനെ കാണാന്‍ റാണാ ദഗുപതിയെത്തുന്നു

Published

on

യുവ നടന്‍ ദുല്‍ഖര്‍ സല്‍മാന്റെ കുഞ്ഞിനെ കാണാന്‍ ബാഹുബലി 2 വിലെ വില്ലന്‍ കഥാപാത്രത്തെ അവതരിപ്പിച്ച് പ്രേക്ഷക ശ്രദ്ധ നേടിയ റാണാ ദഗുപതിയെത്തുന്നു. ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് കുഞ്ഞിനെകാണാന്‍ എത്തുന്നുവെന്ന സന്തോഷം റാണ പങ്കുവെച്ചത്.

ദുബായിലെ ക്ലബ്ബ് എഫ്.എം പരിപാടിയില്‍ തന്റെ ഇഷ്ടനടന്‍ ദുല്‍ഖര്‍ സല്‍മാനാണെന്ന് റാണ പറഞ്ഞിരുന്നു. ദുല്‍ഖറിന്റെ എല്ലാ സിനിമകളും കാണാറുണ്ടെന്നും താന്‍ അദ്ദേഹത്തിന്റെ ആരാധകനാണെന്നുമായിരുന്നു താരത്തിന്റെ തുറന്നുപറച്ചില്‍. അതിന് പിറകെയാണ് ദുല്‍ഖറിന്റേയും അമാലിന്റേയും കുഞ്ഞിനെ കാണാന്‍ റാണ എത്തുന്നുവെന്ന വാര്‍ത്ത പുറത്തുവരുന്നത്. ‘എത്രയും പെട്ടെന്ന് കുഞ്ഞിനെ കാണാന്‍ ഞാന്‍ ആഗ്രഹിക്കുന്നു’-റാണ പറഞ്ഞു.

കഴിഞ്ഞയാഴ്ച്ചയാണ് ദുല്‍ഖറിന് ഒരു പെണ്‍കുഞ്ഞ് പിറന്നത്. ഒന്നിലേറെ കാരണങ്ങളാല്‍ ഇന്നെനിക്ക് മറക്കാനാകാത്ത ദിവസമാണെന്നായിരുന്നു ദുല്‍ഖര്‍ ഫേസ്ബുക്ക് പോസ്റ്റില്‍ കുറിച്ചത്. തന്റെ വളരെക്കാലത്തെ ആഗ്രഹം സഫലീകരിച്ചുവെന്നും രാജകുമാരിയെ ലഭിച്ചുവെന്നും ദുല്‍ഖര്‍ പോസ്റ്റില്‍ പറഞ്ഞിരുന്നു. ബേബി ഓഫ് അമാലെന്ന പേരിലുള്ള ആസ്പത്രി കുറിപ്പിനൊപ്പമായിരുന്നു പോസ്റ്റ്. എന്നാല്‍ കുഞ്ഞിന്റെ വ്യാജഫോട്ടോ പ്രചരിപ്പിക്കുന്നതിനെതിരെ കഴിഞ്ഞ ദിവസം ദുല്‍ഖര്‍ രംഗത്തെത്തിയിരുന്നു. തങ്ങളുടെ സ്വകാര്യതയെ മാനിക്കാന്‍ ആരാധകര്‍ തയ്യാറാകണമെന്നായിരുന്നു ദുല്‍ഖറിന്റെ അപേക്ഷ.

2011-ല്‍ വിവാഹിതരായ ദുല്‍ഖര്‍-അമാലു ദമ്പതികള്‍ക്ക് പെണ്‍കുഞ്ഞാണ്. ചെന്നൈ സ്വദേശിനിയായ അമാല്‍ ആര്‍കിടെക്റ്റാണ്.

 

kerala

രേഖാ രാജിന്റെ നിയമനം റദ്ദാക്കിയത് സുപ്രീംകോടതി ശരിവെച്ചു

Published

on

ന്യൂഡല്‍ഹി: മഹാത്മാഗാന്ധി സര്‍വകലാശാലയില്‍ ദളിത് സ്ത്രീ ചിന്തക രേഖാരാജിനെ അസിസ്റ്റന്റ് പ്രൊഫസറായി നിയമിച്ചത് റദ്ദാക്കിയ ഹൈക്കോടതി വിധി സുപ്രീംകോടതി ശരിവെച്ചു. മഹാത്മാഗാന്ധി സര്‍വകലാശാലക്കെതിരെ രൂക്ഷ വിമര്‍ശനം ഉന്നയിച്ചാണ് പരമോന്നത കോടതി ഹര്‍ജി തള്ളിയത്. നിയമന രീതി ശുദ്ധ അസംബന്ധമാണെന്നും അംഗീകരിക്കാനാവില്ലെന്നും കോടതി വ്യക്തമാക്കി.

Continue Reading

kerala

സംസ്ഥാനത്തെ സ്‌കൂളുകള്‍ക്ക് നാളെ പ്രവൃത്തി ദിനം

വിദ്യാഭ്യാസ കലണ്ടര്‍ പ്രകാരമാണ് നാളെ സ്‌കൂള്‍ പ്രവൃത്തി ദിനമായത്.

Published

on

തിരുവനന്തപുരം: സംസ്ഥാനത്തെ സ്‌കൂളുകള്‍ക്ക് നാളെ പ്രവൃത്തി ദിനമായിരിക്കുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. വിദ്യാഭ്യാസ കലണ്ടര്‍ പ്രകാരമാണ് നാളെ സ്‌കൂള്‍ പ്രവൃത്തി ദിനമായത്. ഒക്ടോബര്‍ 29, ഡിസംബര്‍ മൂന്നു എന്നീ ശനിയാഴ്ചകളും സ്‌കൂളുകള്‍ക്ക് പ്രവൃത്തിദിനമായിരിക്കും.

Continue Reading

kerala

മുഖ്യമന്ത്രിയുടെ വിമര്‍ശനങ്ങളോട് മാധ്യമങ്ങള്‍ മൗനം പാലിക്കുന്നു; മലയാള മാധ്യമപ്രവര്‍ത്തകരോട് ക്ഷോഭിച്ച് ഗവര്‍ണര്‍

ആത്മാഭിമാനമില്ലാത്തവരോട് പ്രതികരിക്കാനില്ലെന്ന് പറഞ്ഞ ഗവര്‍ണര്‍ കേരള ഹൗസില്‍ മലയാള മാധ്യമ പ്രവര്‍ത്തകരോട് ക്ഷോഭിച്ചു.

Published

on

ന്യൂഡല്‍ഹി: മലയാള മാധ്യമങ്ങളോട് ക്ഷോഭിച്ച് ഗവര്‍ണര്‍ ആരിഫ് മുഹമ്മദ് ഖാന്‍. മുഖ്യമന്ത്രി പിണറായി വിജയന്റെ വിമര്‍ശനങ്ങളോട് മാധ്യമങ്ങള്‍ മൗനം പാലിക്കുകയാണെന്നും അത്തരം മാധ്യമങ്ങളോട് പ്രതികരിക്കാനില്ലെന്നും അദ്ദേഹം ന്യൂഡല്‍ഹിയില്‍ പറഞ്ഞു. ആത്മാഭിമാനമില്ലാത്തവരോട് പ്രതികരിക്കാനില്ലെന്ന് പറഞ്ഞ ഗവര്‍ണര്‍ കേരള ഹൗസില്‍ മലയാള മാധ്യമ പ്രവര്‍ത്തകരോട് ക്ഷോഭിച്ചു.

ഇംഗ്ലീഷ്, ഹിന്ദി മാധ്യമങ്ങളോട് പ്രത്യേകം സംസാരിക്കമെന്ന് ഗവര്‍ണര്‍ വ്യക്തമാക്കി. ഗവര്‍ണര്‍ക്കെതിരെ മുഖ്യമന്ത്രി ഉയര്‍ത്തിയ വിമര്‍ശനങ്ങളെയും കേരളത്തിലെ പോപ്പുലര്‍ഫ്രണ്ട് ഹര്‍ത്താലിനിടെയുണ്ടായ അനിഷ്ട സംഭവങ്ങളെയും കുറിച്ച് പ്രതികരണം തേടാനായിരുന്നു മാധ്യമങ്ങള്‍ ഗവര്‍ണറെ കണ്ടത്. ഈ സമയത്താണ് മലയാള മാധ്യമപ്രവര്‍ത്തകരോട് സംസാരിക്കാന്‍ തയറാല്ലെന്ന് ഗവര്‍ണര്‍ വ്യക്തമാക്കിയത്.

Continue Reading

Trending