Connect with us

kerala

യുവജനങ്ങള്‍ക്ക് തൊഴില്‍; ഇന്റേണ്‍ഷിപ്പ് നല്‍കാന്‍ മലപ്പുറം ജില്ലാ പഞ്ചായത്ത്

താല്പര്യമുള്ള ഉദ്യോഗാര്‍ത്ഥികള്‍ ജില്ലാ പഞ്ചായത്ത് തയ്യാറാക്കിയ ഇതോടൊപ്പം കാണിച്ച പ്രത്യേക ക്യു.ആര്‍ കോഡ് വഴി അപേക്ഷ നല്‍കണം

Published

on

മലപ്പുറം ജില്ലാ പഞ്ചായത്ത് നടപ്പിലാക്കുന്ന മലപ്പുറം സോഷ്യല്‍ ഇന്റേണ്‍ഷിപ് പ്രോഗ്രാമിന്റെ (എം.സിപ്) ഭാഗമായി ജില്ലയിലെ അഭ്യസ്ത വിദ്യരായ യുവജനങ്ങള്‍ക്ക് അറബ് രാജ്യങ്ങളില്‍ മാനേജ്‌മെന്റ്, സെയില്‍സ്, പര്‍ച്ചേസ് തുടങ്ങിയ മേഖലകളില്‍ സ്‌റ്റൈപന്റോട് കൂടിയ തൊഴില്‍ പരിശീലനത്തിന് അവസരം ഒരുങ്ങുന്നു.

ഇതിനായി ബിരുദവും ബിരുദാനന്തര ബിരുദവും യോഗ്യതയുള്ള യുവതീ യുവാക്കളില്‍ നിന്നും പ്രത്യേകം അപേക്ഷ ക്ഷണിക്കുന്നതിന് ജില്ലാ പഞ്ചായത്ത് പ്രത്യേക പോര്‍ട്ടല്‍ തയ്യാറാക്കി. ആദ്യ ഘട്ടത്തില്‍ ഖത്തറിലെ റീജന്‍സി അക്കാഡമിയുമായി ചേര്‍ന്നാണ് ജില്ലയിലെ അഭ്യസ്തവിദ്യരായ യുവജനങ്ങള്‍ക്ക് വിദേശ ജോലി നേടുന്നതിനു ഏറെ ഗുണകരമവുന്ന പദ്ധതി തയ്യാറാക്കിയിരിക്കുന്നത്.

മലപ്പുറം ജില്ലാ പഞ്ചായത്ത് നേരത്തെ നിലമ്പൂരില്‍ നടത്തിയ ജോബ് ഫെയറില്‍ പങ്കെടുത്തവരെയും ഇതിലേക്ക് പരിഗണിക്കും. വിദേശത്ത് ഇന്റേണ്‍ഷിപ്പിന് അവസരം ലഭിക്കുന്നവര്‍ക്ക് സ്‌റ്റൈപ്പെന്റിന് പുറമെ ഫുഡ്, അക്കമോഡേഷന്‍, ഇന്‍ഷുറന്‍സ് തുടങ്ങിയ ആനുകൂല്യങ്ങള്‍ ലഭ്യമാവുന്ന വിധത്തിലാണ് ഇന്റേണ്‍ഷിപ്.

താല്പര്യമുള്ള ഉദ്യോഗാര്‍ത്ഥികള്‍ ജില്ലാ പഞ്ചായത്ത് തയ്യാറാക്കിയ ഇതോടൊപ്പം കാണിച്ച പ്രത്യേക ക്യു.ആര്‍ കോഡ് വഴി അപേക്ഷ നല്‍കണം. നവംബര്‍ 15ന് മലപ്പുറം വാരിയംകുന്നത്ത് ടൗണ്‍ഹാളില്‍ വെച്ച് പ്രാഥമിക സെലക്ഷന്‍ ടെസ്റ്റുകള്‍ നടത്തുമെന്ന് ജില്ലാ പഞ്ചായത്തംഗം വി.കെ.എം ഷാഫി അറിയിച്ചു

kerala

‘പ്രവേശന പരീക്ഷകളുടെ വിശ്വാസ്യത കേന്ദ്ര സര്‍ക്കാര്‍ നഷ്ടപ്പെടുത്തി’: എം.എസ്.എഫ്‌

പരീക്ഷ എഴുതിയ ലക്ഷക്കണക്കിന് വിദ്യാർഥികളുടെ ഭാവി അവതാളത്തിലാക്കുന്നതാണ് ഈ നടപടിയെന്നും ലക്ഷക്കണക്കിന് വിദ്യാർത്ഥികളുടെ പരിശ്രമം കൂടിയാണ് എൻ.ടി.എ പാഴാക്കിയത്

Published

on

നീറ്റ് പ്രവേശന പരീക്ഷാ തിരിമറി വിവാദങ്ങൾ കെട്ടഴിയുന്നതിനു മുൻപ് തന്നെ യു.ജി.സി നെറ്റ് പരീക്ഷ റദ്ദാക്കിയത് കേന്ദ്ര സർക്കാർ പ്രവേശന പരീക്ഷകളുടെ വിശ്വാസ്യത നഷ്ടപ്പെടുത്തിയതായി എം.എസ്.എഫ് ദേശീയ പ്രസിഡന്റ് പി.വി അഹമ്മദ് സാജു പറഞ്ഞു.

പരീക്ഷ എഴുതിയ ലക്ഷക്കണക്കിന് വിദ്യാർഥികളുടെ ഭാവി അവതാളത്തിലാക്കുന്നതാണ് ഈ നടപടിയെന്നും ലക്ഷക്കണക്കിന് വിദ്യാർത്ഥികളുടെ പരിശ്രമം കൂടിയാണ് എൻ.ടി.എ പാഴാക്കിയത്. കുറ്റവാളികൾക്കെതിരെ ഉടനടി നടപടിയെടുക്കണമെന്നും പതിവായി പരീക്ഷകളിൽ കൃത്രിമം കാണിച്ച് ഇന്ത്യയുടെ ഭാവി പ്രതീക്ഷകളെ നിരാശപ്പെടുത്തരുതെന്നും സാജു കൂട്ടിച്ചേർത്തു.

പരീക്ഷാ തട്ടിപ്പുകൾ തടയാൻ നടപടിയെടുക്കുന്നതിന് പകരം ലക്ഷക്കണക്കിന് വിദ്യാർത്ഥികളുടെ ഭാവി അപകടത്തിലാക്കുന്ന ഭയാനകമായ സംഭവവികാസങ്ങളെ എം.എസ്.എഫ് അപലപിച്ചു.

Continue Reading

kerala

താമരശ്ശേരിയിൽ സ്കൂട്ടർ ലോറിക്കടിയിപ്പെട്ട് യുവാവിന് ദാരുണാന്ത്യം

ഒപ്പമുണ്ടായിരുന്ന സുഹൃത്തിനെ സാരമായ പരുക്കുകളോടെ കോഴിക്കോട് മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു

Published

on

താമരശ്ശേരി: താമരശ്ശേരിയിൽ സ്കൂട്ടർ റോഡിൽ മറിഞ്ഞ് വീണ് ലോറിക്കടിയിൽപ്പെട്ട് സ്കൂട്ടർ യാത്രക്കാരൻ മരിച്ചു. കൂരാച്ചുണ്ട് പടിഞ്ഞാറ്റി മടത്തിൽ ജീവൻ (22) ആണ് മരിച്ചത്. ഒപ്പമുണ്ടായിരുന്ന കക്കയം കരിയാത്തുംപാറ അലയംമ്പാറ ആദർശ് (22) നെ സാരമായ പരുക്കുകളോടെ കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.

താമരശ്ശേരി- മുക്കം സംസ്ഥാന പാതയിൽ വെഴുപ്പൂർ ബസ് സ്റ്റോപ്പിന് സമീപം ഇന്ന് ഉച്ചക്ക് രണ്ടരയോടെയായിരുന്നു അപകടം. താമരശ്ശേരി ഭാഗത്തു നിന്നും മുക്കം ഭാഗത്തേക്കു പോകുകയായിരുന്ന സ്കൂട്ടർ റോഡിൽ മറിഞ്ഞ് വീഴുകയായിരുന്നു. വീഴ്ച്ചയില്‍ റോഡിലേക്ക് തെറിച്ചു വീണ ജീവന്റെ ശരീരത്തിലൂടെ അതേ ദിശയിൽ നിന്നും വന്ന ലോറി കയറിയിറങ്ങി. ജീവനെ താമരശ്ശേരി താലൂക്ക് ആശുപത്രിയിലെത്തിച്ച് പ്രാഥമിക ചികിത്സ നല്‍കിയ ശേഷം കോഴിക്കോട് മെഡിക്കല്‍ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

Continue Reading

kerala

പൊലീസുകാർക്കിടയിലെ ആത്മഹത്യ: അടിയന്തര ഇടപെടൽ വേണമെന്ന് മനുഷ്യാവകാശ കമ്മീഷൻ

കഴിഞ്ഞ ഒരാഴ്ചക്കിടയിൽ 5 പൊലീസുകാർ ആത്മഹത്യ ചെയ്തെന്നാണ് പരാതി

Published

on

കൊച്ചി: വിശ്രമമില്ലാത്ത ജോലിയും മേലുദ്യോഗസ്ഥരുടെ സമ്മർദവും കാരണം പൊലീസിൽ ആത്മഹത്യകൾ പെരുകുകയാണെന്ന പരാതി പരിശോധിച്ച് അടിയന്തര ഇടപെടൽ നടത്തണമെന്നു മനുഷ്യാവകാശ കമ്മിഷൻ. ആഭ്യന്തരവകുപ്പ് അഡിഷണൽ ചീഫ് സെക്രട്ടറിക്കും സംസ്ഥാന പൊലീസ് മേധാവിക്കുമാണു കമ്മിഷൻ ആക്ടിങ് ചെയർപഴ്സണും ജുഡിഷ്യൽ അംഗവുമായ കെ.ബൈജുനാഥ് നിർദേശം നൽകിയത്.

30 ദിവസത്തിനകം റിപ്പോർട്ട് സമർപ്പിക്കണം. ജൂലൈ 24 ന് കോഴിക്കോട് നടക്കുന്ന സിറ്റിംഗിൽ കേസ് പരിഗണിക്കും. പത്രവാർത്തയുടെ അടിസ്ഥാനത്തിൽ കമ്മീഷൻ സ്വമേധയാ രജിസ്റ്റർ ചെയ്ത കേസിലാണ് നടപടി. കഴിഞ്ഞ ഒരാഴ്ചക്കിടയിൽ 5 പൊലീസുകാർ ആത്മഹത്യ ചെയ്തെന്നാണ് പരാതി. പൊലീസിന്റെ വാട്സാപ്പ് ഗ്രൂപ്പുകളിൽ സഹപ്രവർത്തകരുടെ ആത്മഹത്യ സജീവ ചർച്ചയാണെന്ന് വാർത്തകളിൽ പറയുന്നു. പൊലീസ് സ്റ്റേഷന്റെ ഭരണം സി.ഐ മാർ ഏറ്റെടുത്തതോടെയാണ് പ്രശ്നം രൂക്ഷമായത്.

Continue Reading

Trending