വൈദേകം ആയൂര്വേദ റിസോര്ട്ടില് എല്ഡിഎഫ് കണ്വീനര് ഇപി ജയരാജന്റെ കുടുംബത്തിലുള്ള ഓഹരികള് വില്ക്കാന് തീരുമാനം. 91.99 ലക്ഷം രൂപ മൂല്യമുള്ള 9199 ഓഹരികളാണ് വില്ക്കുന്നത്. ഇ.പിയുടെ ഭാര്യ ഇന്ദിരയുടെ പേരില് 81.99 ലക്ഷം രൂപയുടെ ഓഹരികളും മകന് ജെയ്സന്റെ പേരില് 10 ലക്ഷം രൂപയുടെ ഓഹരികളുമാണുള്ളത്.
ഓഹരി മറ്റൊരു ഓഹരി ഉടമയ്ക്ക് കൈമാറാനാണ് തീരുമാനം. നേരത്തെ സഹകരണ ബാങ്കിലെ ജീവനക്കാരിയായിരുന്നു പി.കെ ഇന്ദിര അവിടെ നിന്ന് വിരമിക്കുമ്പോള് ലഭിക്കുന്ന തുക ഉപയോഗിച്ചാണ് ഓഹരി വാങ്ങിയത് എന്നായിരുന്നു നല്കിയ വിശദീകരണം. നേരത്തെ ഇ.പിയുടെ കുടുംബത്തിന്റെ ഓഹരി പങ്കാളിത്തം സംബദ്ധിച്ച് വിവാദമുയര്ന്നിരുന്നു. അതിനിടെ വൈദേകം റിസോര്ട്ടിന്റെ സി.ഇ.ഒ സ്ഥാനം രാജിവച്ചു.
വിവാദമായ വൈദേകം റിസോര്ട്ട് സംബദ്ധിച്ച് ഇ.ഡി അന്വേഷണത്തിനൊരുങ്ങുന്നതായി റിപ്പോര്ട്ടുകള് പുറത്ത് വന്നിരുന്നു. റിസോര്ട്ടിനെതിരെ അന്വേഷണത്തിന് അനുമതി തേടി വിജിലന്സ് നേരത്തെ കത്ത് നല്കിയിരുന്നു.