കോഴിക്കോട്: സംസ്ഥാനത്തെ പത്ത് വര്ഷം കൊണ്ട് ജനജീവിതം ദുസ്സഹമാക്കിയ ഇടത് ഭരണത്തിന് അറുതി വരുത്താനായി സമ്മതിദാനാവകാശം വിനിയോഗിക്കണമെന്ന് മുസ്്ലിം ലീഗ് സംസ്ഥാന അധ്യക്ഷന് പാണക്കാട് സയ്യിദ് സാദിഖലി തങ്ങള് അഭ്യര്ത്ഥിച്ചു.
നിശബ്ദ പ്രചാരണ ദിവസമായ ഇന്ന് യു.ഡി.എഫ് വിജയത്തിനായി എല്ലാവരും ഒറ്റക്കെട്ടായി രംഗത്തിറങ്ങണമെന്നും തങ്ങള് ആവശ്യപ്പെട്ടു. മുഴുവന് വോട്ടുകളും യു.ഡി.എഫിനായി പോള് ചെയ്യപ്പെട്ടുവെന്ന് ഉറപ്പാക്കാന് പ്രവര്ത്തകര് ശ്രദ്ധിക്കണമെന്നും സമാധാനപരമായ തിരഞ്ഞെടുപ്പ് പ്രവര്ത്തനങ്ങളില് ഏര്പ്പെടണമെന്നും തങ്ങള് പറഞ്ഞു.