വാഷിങ്ടണ്: ലോക പ്രശസ്ത ഹോളിവുഡ് സംവിധായകന് ഡേവിഡ് ലിഞ്ച് (78) അന്തരിച്ചു. മരണകാരണം വ്യക്തമാക്കിയിട്ടില്ല. ഏറെ നാളായി എംഫിസീമ രോഗബാധിതനായിരുന്നു ഇദ്ദഹം, ഇതാകാം മരണകാരണമെന്നാണ് കരുതപ്പെടുന്നത്.
അദ്ദേഹത്തിന്റെ വൈല്ഡ് അറ്റ് ഹാര്ട്ട് എന്ന ചിത്രം കാന് ചലച്ചിത്രമേളയില് പാം ദി ഓര് പുരസ്കാരം നേടിയിരുന്നു. ബ്ലൂ വെല്വറ്റ്, മല്ഹോലണ്ട് ഡ്രൈവ്, ഡ്യൂണ്(1984) എന്നീ സിനിമകളും ട്വിന് പീക്ക്സ് എന്ന സീരിസുമാണ് ഡേവിഡ് ലിഞ്ചിന് ലോകം മുഴുവന് ആരാധകരെ നേടിക്കൊടുത്തത്. ഫീച്ചര് സിനിമകള്ക്കൊപ്പം നിരവധി ഹ്രസ്വചിത്രങ്ങളും ലിഞ്ച് ചെയ്തിരുന്നു.
സംഗീതജ്ഞന് കൂടിയായിരുന്നു അദ്ദേഹം. മൂന്ന് തവണ ഓസ്കര് നോമിനേഷന് സ്വന്തമാക്കിയ ഡേവിഡ് ലിഞ്ചിനെ ഓണററി പുരസ്കാരം നല്കി അക്കാദമി ആദരിച്ചിരുന്നു.