പാലക്കാട് 14കാരന് കുഴഞ്ഞുവീണു മരിച്ചു. കണ്ണൂര് കാഞ്ഞിരോട് സ്വദേശിയായ നഫീസ മന്സിലില് അഹമ്മദ് നിഷാദി(നാച്ചു)ന്റെയും പാലക്കാട് പിരായിരി സ്വദേശി റിമാസിന്റെയും മകന് കാഞ്ഞിരോട് കെ.എം.ജെ സ്കൂള് വിദ്യാര്ഥി റിയാന് (14) ആണ് മരിച്ചത്.
പാലക്കാട് മേഴ്സി കോളജിന് സമീപമുള്ള ഉമ്മയുടെ വീട്ടില് ഇന്നലെ ഉച്ചക്ക് വിരുന്ന് വന്നതായിരുന്നു റിയാനും കുടുംബവും. സഹോദരനുമായി കളിച്ചുകൊണ്ടിരിക്കെ രാത്രി ഏഴരയോടെ കുഴഞ്ഞു വീഴുകയായിരുന്നു. ഉടന് സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. നടപടിക്രമങ്ങള് പൂര്ത്തീകരിച്ച ശേഷം മൃതദേഹം ബന്ധുക്കള്ക്ക് കൈമാറി.
മൃതദേഹം ഇന്ന് വൈകീട്ടോടെ സ്വദേശമായ കാഞ്ഞിരോട് എത്തിക്കും. വൈകീട്ട് 6.30ന് കാഞ്ഞിരോട് കെ.എം.ജെ സ്കൂളില് പൊതുദര്ശനത്തിന് ശേഷം കാഞ്ഞിരോട് പഴയ ജുമാമസ്ജിദ് ഖബര്സ്ഥാനില് ഖബറടക്കും.