india
ബിജെപി എം.എല്.എ പീഡിപ്പിച്ചു ഗര്ഭിണിയാക്കി; യുവതിയുടെ പരാതിയില് ഒടുവില് കേസെടുത്ത് ഡെറാഡൂണ് പൊലീസ്
ആഗസ്റ്റ് 16 ന് യുവതി നല്കിയ പരാതിയെത്തുടര്ന്നാണ് ഡെറാഡൂണ് പൊലീസ് ബി.ജെ.പി എം.എല്.എ മഹേഷ് സിംഗ് നേഗിക്കെതിരെ കേസെടുത്തത്. ഐ.പി.സി376 (ബലാത്സംഗം), 506 (ക്രിമിനല് ഭീഷണിപ്പെടുത്തല്) എന്നി വകുപ്പുകള് പ്രകാരമാണ് എഫ്.ഐ.ആര് ഫയല് ചെയ്തത്.

ഡെറാഡൂണ്: ബിജെപി എം.എല്.എ പീഡിപ്പിച്ചതായുള്ള യുവതിയുടെ പരാതിയില് കേസെടുത്ത് ഡെറാഡൂണ് പൊലീസ്. പീഡനത്തിന് പിന്നാലെ യുവതിയെ ഭീഷണിപ്പെടുത്തുകയും ചെയ്തന്ന കുറ്റത്തിലാണ് ബി.ജെ.പി എം.എല്.എ മഹേഷ് സിങ് നേഗിക്കെതിരെ ഡെറാഡൂണ് പൊലീസ് എഫ്.ഐ.ആര് രജിസ്റ്റര് ചെയ്തത്.
ദ്വാരഹത് എം.എല്.എ തന്നെ ബലാത്സംഗം ചെയ്തുവെന്നും തന്റെ കുട്ടിയുമായുള്ള ബന്ധം കണ്ടെത്താന് ഡി.എന്.എ പരിശോധന നടത്തണമെന്നും ആവശ്യപ്പെട്ടാണ് യുവതിയുടെ പരാതി. അഞ്ച് കോടി രൂപ നല്കിയില്ലെങ്കില് വ്യാജ കേസ് ഫയല് ചെയ്യുമെന്ന് എംഎല്എയുടെ ഭാര്യ തന്നെ ഭീഷണിപ്പെടുത്തിയതായും യുവതി പരാതി നല്കിയിട്ടുണ്ട്.
ആഗസ്റ്റ് 16 ന് യുവതി നല്കിയ പരാതിയെത്തുടര്ന്നാണ് ഡെറാഡൂണ് പൊലീസ് ബി.ജെ.പി എം.എല്.എ മഹേഷ് സിംഗ് നേഗിക്കെതിരെ കേസെടുത്തത്.
ഐ.പി.സി376 (ബലാത്സംഗം), 506 (ക്രിമിനല് ഭീഷണിപ്പെടുത്തല്) എന്നി വകുപ്പുകള് പ്രകാരമാണ് എഫ്.ഐ.ആര് ഫയല് ചെയ്തത്.
Dehradun court directs police to register case against BJP MLA, wife after sexual harassment allegation https://t.co/k8SAe34aLo
— Asheesh Goyal (@AsheeshGoyalANI) September 6, 2020
നേരത്തെ, പീഡന വിവരം പുറത്തുവന്നിട്ടും ദ്വാരഹത് എം.എല്.എക്കെതിരെ പൊലീസ് നടപടി സ്വീകരിക്കാത്തത് വിവാദമായിരുന്നു. തുടര്ന്ന് വിഷയം കോടതി കയറുകയുമുണ്ടായി. തുടര്ന്ന് ഡെറാഡൂണ് കോടതിയുടെ വിധി പ്രകാരമാണ് പൊലീസ് നടപടിയുണ്ടായിരിക്കുന്നത്.
എഫ്.ഐ.ആര് സമര്പ്പിക്കാന് കോടതി പൊലീസിനോട് നിര്ദ്ദേശിച്ചതായി അഡീഷണല് ചീഫ് ജുഡീഷ്യല് മജിസ്ട്രേറ്റ് കോടതിയില് ഹരജി നല്കിയ യുവതിയുടെ അഭിഭാഷകന് എസ്.പി സിങ് പറഞ്ഞു. അതേസമയം നേഗിയുടെ ഭാര്യയുടെ പരാതിയില് യുവതിക്കും കുടുംബത്തിനുമെതിരെ കേസ് രജിസ്റ്റര് ചെയ്തിട്ടുണ്ട്.
india
റഷ്യയില് നിന്നുള്ള ഇറക്കുമതിക്ക് പിഴ; ഇന്ത്യന് ഉല്പ്പന്നങ്ങള്ക്ക് 25 ശതമാനം തീരുവ; പ്രതികാര നടപടിയുമായി ട്രംപ്
ആഗസ്റ്റ് ഒന്നുമുതല് ഇത് പ്രാബല്യത്തില് കൊണ്ട് വരുമെന്ന് തന്റെ സാമൂഹിക മാധ്യമമായ ട്രൂത്ത് സോഷ്യല് വഴി ട്രംപ് അറിയിച്ചു. തീ

യു.എസില് ഇറക്കുമതി ചെയ്യുന്ന ഇന്ത്യന് ഉല്പ്പന്നങ്ങള്ക്ക് 25 ശതമാനം തീരുവ ചുമത്തുമെന്ന് അമേരിക്കന് പ്രസിഡന്റ് ഡോണള്ഡ് ട്രംപ്. ഇന്ത്യ-യു.എസ് വ്യാപാര കരാര് അന്തിമ ഘട്ടത്തിലേക്ക് നീങ്ങുന്ന സാഹചര്യത്തിലാണ് പ്രഖ്യാപനം. ആഗസ്റ്റ് ഒന്നുമുതല് ഇത് പ്രാബല്യത്തില് കൊണ്ട് വരുമെന്ന് തന്റെ സാമൂഹിക മാധ്യമമായ ട്രൂത്ത് സോഷ്യല് വഴി ട്രംപ് അറിയിച്ചു. തീരുവക്ക് പുറമെ, ഇന്ത്യ റഷ്യയില് നിന്ന് സൈനിക ഉപകരണങ്ങളും എണ്ണയും വാങ്ങിയതിന് പിഴ ചുമത്തുമെന്നും ട്രംപ് പ്രഖ്യാപിച്ചു.
ഇന്ത്യയടക്കമുള്ള രാജ്യങ്ങള്ക്കെതിരെ ട്രംപ് പ്രഖ്യാപിച്ച തീരുവ പ്രാബല്യത്തില് വരുന്നത് ആഗസ്റ്റ് ഒന്നുമുതലായിരിക്കും. കഴിഞ്ഞ ഏപ്രിലിലാണ് മറ്റ് രാജ്യങ്ങള്ക്കെതിരെ ട്രംപ് തീരുവ യുദ്ധം പ്രഖ്യാപിച്ചത്. അതില് ചിലത് വെട്ടിക്കുറക്കുകയും മറ്റ് രാജ്യങ്ങളുമായി ചര്ച്ച നടത്താനുള്ള സന്നദ്ധതയും ട്രംപ് അറിയിച്ചിരുന്നു.
ലോകത്തിലെ ഏറ്റവും ഉയര്ന്ന തീരുവകളും മറ്റൊരു രാജ്യത്തേക്കാളും കഠിനവും അരോചകവുമായ വ്യാപാര തടസ്സങ്ങളുമാണ് ഇന്ത്യയിലുള്ളതെന്നും ട്രംപ് ആരോപിച്ചു. ഇതുമൂലം കുറച്ചു കാലങ്ങളായി ഇന്ത്യയുമായി കുറഞ്ഞ വ്യാപാരമേ നടന്നിട്ടുള്ളൂവെന്നും ട്രംപ് ചൂണ്ടിക്കാട്ടി.
ഇന്ത്യ തങ്ങളുടെ സുഹൃത്താണെന്നു പറഞ്ഞാണ് ട്രംപിന്റെ പോസ്റ്റ് തുടങ്ങുന്നത്. റഷ്യയില് നിന്ന് തുടര്ച്ചയായി ക്രൂഡ് ഓയില് ഇറക്കുമതി ചെയ്യുന്നതാണ് ട്രംപിന്റെ പ്രതികാരത്തിന് കാരണം.
”എപ്പോഴും തങ്ങളുടെ സൈനിക ഉപകരണങ്ങളില് ഭൂരിഭാഗവും ഇന്ത്യ വാങ്ങുന്നത് റഷ്യയില് നിന്നാണ്. റഷ്യ യുക്രെയ്നിലെ കൂട്ടക്കൊല നടത്തണമെന്ന് ലോകം ആഗ്രഹിക്കുമ്പോ, ചൈനക്കൊപ്പം റഷ്യയില് നിന്ന് ഏറ്റവും ക്രൂഡ് ഓയില് വാങ്ങുകയാണ് ഇന്ത്യ. ഇതൊന്നും നല്ലതല്ല. അത്കൊണ്ട് ആഗസ്റ്റ് ഒന്നുമുതല് ഇന്ത്യ 26ശതമാനം തീരുവയും നേരത്തേ പറഞ്ഞ കാര്യങ്ങള്ക്ക് പിഴയും നല്കേണ്ടി വരും”എന്നാണ് ട്രംപിന്റെ പോസ്റ്റ്.
india
ബെറ്റിങ് ആപ്പുകള് പ്രമോട്ട് ചെയ്ത സംഭവം; ഇഡിക്ക് മുന്നില് ഹാജരായി നടന് പ്രകാശ് രാജ്
പണം സമ്പാദിക്കുകയെന്ന ലക്ഷ്യം തനിക്കുണ്ടായിട്ടില്ലെന്നും ചോദ്യം ചെയ്യലിനു ശേഷം മാധ്യമങ്ങളോടു പ്രകാശ് രാജ് പ്രതികരിച്ചു.

ബെറ്റിങ് ആപ്പുകള് പ്രമോട്ട് ചെയ്ത സംഭവത്തില് ഇഡി ചോദ്യം ചെയ്യലിന് ഹാജരായി നടന് പ്രകാശ് രാജ്. 2016ലുണ്ടായ സംഭവമാണിതെന്നും ധാര്മികമായി താന് അതില് പങ്കെടുത്തിട്ടില്ല. പണം സമ്പാദിക്കുകയെന്ന ലക്ഷ്യം തനിക്കുണ്ടായിട്ടില്ലെന്നും ചോദ്യം ചെയ്യലിനു ശേഷം മാധ്യമങ്ങളോടു പ്രകാശ് രാജ് പ്രതികരിച്ചു. ചോദ്യം ചെയ്യലിനോട് സഹകരിച്ചതായും നടന് പറഞ്ഞു.
സൈബരാബാദ് പൊലീസ് സമര്പ്പിച്ച എഫ്ഐആറിന്റെ അടിസ്ഥാനത്തില് ഹൈദരാബാദ് ബഷീര്ബാഗിലെ ഇഡി ഓഫിസിലാണ് പ്രകാശ് രാജ് ചോദ്യം ചെയ്യലിനു ഹാജരായത്. 2016ല് ജംഗ്ലീ റമ്മിയുടെ പരസ്യത്തില് അഭിനയിച്ചതിനാണ് നടനെതിരെ കേസെടുത്തത്. ബെറ്റിങ് ആപ്പ് കമ്പനിയുമായുള്ള കരാര് അവസാനിച്ചുവെന്നും 2017നു ശേഷം ഗെയിം ആപ്ലിക്കേഷനുകള് പ്രമോട്ട് ചെയ്തിട്ടില്ലെന്നും പ്രകാശ് രാജ് വ്യക്തമാക്കി. ഇതില് രാഷ്ട്രീയ പ്രേരിതമായി ഒന്നുമില്ലെന്നും പ്രകാശ് രാജ് വ്യക്തമാക്കി.
india
കന്യാസ്ത്രീകള് അറസ്റ്റിലായ സംഭവം; ബജ്രംഗ് ദള് വാദം അനുകൂലിച്ച് ജാമ്യാപേക്ഷ എതിര്ത്ത് ഛത്തീസ്ഗഢ് സര്ക്കാര്
ജാമ്യം നല്കിയാല് മതപരിവര്ത്തനം ആവര്ത്തിക്കുമെന്ന ബജ്രംഗ് ദള് വാദം പ്രോസിക്യൂഷന് അനുകൂലിച്ചു.

ഛത്തീസഗഡില് അറസ്റ്റിലായ കന്യാസ്ത്രീകളുടെ ജാമ്യാപേക്ഷ ഛത്തീസ്ഗഢ് സര്ക്കാര് എതിര്ത്തു. ജാമ്യം നല്കിയാല് മതപരിവര്ത്തനം ആവര്ത്തിക്കുമെന്ന ബജ്രംഗ് ദള് വാദം പ്രോസിക്യൂഷന് അനുകൂലിച്ചു. അതേസമയം, കേരളത്തിലെ വിവിധയിടങ്ങളില് ഇന്ന് കന്യാസ്ത്രീകളുടെ അറസ്റ്റില് പ്രതിഷേധ റാലി നടന്നു. വിവിധ സഭകളുടെ നേതൃത്വത്തില് തിരുവനന്തപുരം രാജ്ഭവനില് പ്രതിഷേധ റാലി നടന്നു.
അതേസമയം, അറസ്റ്റിലായ മലയാളി കന്യാസ്ത്രീകളുടെ ജാമ്യാപേക്ഷ സെഷന്സ് കോടതി പരിഗണിച്ചില്ല. പരിഗണിക്കാന് അധികാരമില്ലെന്നും ജാമ്യത്തിനായി ഹൈക്കോടതിയെ സമീപിക്കാനും ദുര്ഗ് സെഷന്സ് കോടതി നിര്ദേശിച്ചു. മനുഷ്യക്കടത്ത് അടക്കമുള്ള വകപ്പുകള് ചുമത്തിയതിനാല് കേസ് പരിഗണിക്കേണ്ടത് എന്ഐഎ കോടതിയാണെന്ന് പൊലീസ് വാദിച്ചു. ഇതിന്റെ അടിസ്ഥാനത്തിലാണ് ജാമ്യ ഹര്ജി പരിഗണിക്കാന് അധികാരമില്ലെന്നും ജാമ്യത്തിനായി ഹൈക്കോടതിയെ സമീപിക്കാനും ഹര്ജിക്കാരോട് കോടതി ആവശ്യപ്പെട്ടു.
കന്യാസ്ത്രീകളുടെ ജാമ്യാപേക്ഷ പരിഗണക്കുന്നതിനിടെ സെഷന്സ് കോടതിക്ക് സമീപം ബജ് റംഗദള് പ്രവര്ത്തകര് തടിച്ചു കൂടി. ജാമ്യഹര്ജി പരിഗണിക്കാന് വിസമ്മതിച്ചതോടെ പ്രവര്ത്തകര് ആഹ്ലാദ പ്രകടനം നടത്തി.
-
kerala3 days ago
കനത്ത മഴ; ബാണാസുരസാഗര് അണക്കെട്ടില് ഇന്ന് കൂടുതല് ജലം തുറന്ന് വിടും
-
india3 days ago
തിരിച്ചുകയറി രൂപ മൂല്യം; 9 പൈസയുടെ നേട്ടം
-
kerala3 days ago
കന്യാ സ്ത്രീകളുടെ അറസ്റ്റ് : ചട്ടം 267 പ്രകാരം രാജ്യസഭയിൽ നോട്ടീസ് നൽകി
-
india2 days ago
വനിതാ ചെസ് ലോകകപ്പ് ഫൈനലില് കൊനേരു ഹംപിയെ പരാജയപ്പെടുത്തി ദിവ്യ ദേശ്മുഖ്
-
india2 days ago
സംഘപരിവാറിന് ഇരട്ടത്താപ്പ്, ഇവിടെ കന്യാമറിയത്തിന് സ്വര്ണം ചാര്ത്തും വടക്കേ ഇന്ത്യയില് ആ രൂപങ്ങള് തകര്ക്കും: ഗീവര്ഗീസ് മാര് കൂറിലോസ്
-
kerala3 days ago
വടക്കന് കേരളത്തിലും മലയോര മേഖലകളിലും ശക്തമായ മഴ തുടരും; മൂന്ന് ജില്ലകളില് യെല്ലോ അലേര്ട്ട്
-
india2 days ago
നിയമ സാധുതയില്ല; ബിഹാര് വോട്ടര് പട്ടികയിലെ തീവ്രപരിശോധനക്കെതിരെ മുസ്ലിം ലീഗ് സുപ്രിംകോടതിയില്
-
india2 days ago
‘ബിജെപി ഭരണത്തിന് കീഴില് ന്യൂനപക്ഷങ്ങളെ ആസൂത്രിതമായി പീഡിപ്പിക്കുന്നു’ ; കന്യാസ്ത്രീകളുടെ അറസ്റ്റില് അപലപിച്ച് രാഹുല് ഗാന്ധി