കൊല്ലം: മുളങ്കാടകം ക്ഷേത്രത്തില് തീപിടിത്തം. ചുറ്റമ്പലത്തിന്റെ മുന്ഭാഗം കത്തിനശിച്ചു. ഇന്ന് പുലര്ച്ചെ നാല്മണിയോടെയാണ് സംഭവം. ചുറ്റമ്പലത്തിനുമുകളില് തീഉയരുന്നത് ശ്രദ്ധയില്പ്പെട്ട പൊലീസ് സംഘമാണ് ഫയര്ഫോഴ്സില് വിവരമറിയിച്ചത്.
തുടര്ന്ന് കടപ്പാക്കട, ചാമക്കട എന്നിവിടങ്ങളില് നിന്നും അഞ്ച് യൂണിറ്റെത്തി മണിക്കൂറുകള് നീണ്ട ശ്രമത്തിനൊടുവിലാണ് തീയണച്ചത്. ചുറ്റമ്പലത്തിന് മുന്വശത്തെ ഗോപുരത്തില് സ്ഥാപിച്ചിരുന്ന കെടാവിളക്ക് താഴേക്ക് വീണതാകാം തീപിടിത്തത്തിന് കാരണമാക്കിയതെന്നാണ് പ്രാഥമിക നിഗമനം.