വാഷിങ്ടണ് ഡി.സിയിലെ വൈറ്റ് ഹൗസിന് സമീപം നടന്ന വെടിവെപ്പില് നാഷണല് ഗാര്ഡ് അംഗങ്ങളായ രണ്ട് സൈനികര്ക്ക് ഗുരുതരമായി പരിക്കേറ്റു. ഇവര് ആശുപത്രിയില് ചികിത്സയില് തുടരുകയാണെന്നും നില അതീവ ഗുരുതരമാണെന്നും എഫ്ബിഐ മേധാവി കാഷ് പട്ടേലും വാഷിങ്ടണ് മേയര് മ്യൂരിയല് ബൗസറും അറിയിച്ചു.
ബുധനാഴ്ച ഉച്ചയ്ക്ക് ശേഷം വൈറ്റ് ഹൗസില് നിന്ന് ദൂരെയല്ലാത്ത ഒരു മെട്രോ സ്റ്റോപ്പിന് സമീപമാണ് ആക്രമണം നടന്നത്. 10 മുതല് 15 വരെയായി വെടിയുതിര്ക്കപ്പെട്ടതായി റിപ്പോര്ട്ടുകളുണ്ട്. രണ്ട് സൈനികര്ക്കും തലയിലാണ് വെടിയേറ്റത്. പരിക്കേറ്റവരില് ഒരാള് സ്ത്രീയും ഇരുവരും വെസ്റ്റ് വെര്ജീനിയ സ്വദേശികളുമാണ്.
പരസ്പരം വെടിവെപ്പുണ്ടായ സാഹചര്യത്തിലാണ് നാഷണല് ഗാര്ഡ് സൈനികര് തന്നെ അക്രമിയെ കീഴ്പ്പെടുത്തിയത്. ഇയാളെ തുടര്ന്ന് പൊലീസ് കസ്റ്റഡിയിലെടുക്കുകയും ചെയ്തു.