ആന്ധ്രാപ്രദേശില് ക്ലാസ്മുറിയില് വച്ച് കുട്ടികളെ കൊണ്ട് കാലു തിരുമിച്ച സംഭവത്തില് അധ്യാപികയ്ക്ക് സസ്പെന്ഷന്. കസേരയിലിരുന്ന അധ്യാപികയുടെ കാല് നിലത്തിരുന്ന കുട്ടികള് തിരുമി കൊടുക്കുന്നതിന്റെ വിഡിയോ സമൂഹമാധ്യമങ്ങളില് പ്രചരിച്ചിരുന്നു. ശ്രീകാകുളം മെലിയാപ്പുട്ടിയിലെ ബന്ദപ്പള്ളി ഗേള്സ് ട്രൈബല് ആശ്രമം സ്കൂളിലാണ് സംഭവം.
അധ്യാപികയെ കാരണം കാണിക്കല് നോട്ടിസ് നല്കിയാണ് സസ്പെന്ഡ് ചെയ്തത്. വകുപ്പ് തല അന്വേഷണം അവസാനിക്കുന്നത് വരെയാണ് സസ്പെന്ഷന്. കുട്ടികളെ കൊണ്ട് കാലു തിരുമിച്ചതിന്റെ തലേ ദിവസം തെന്നി വീണെന്നും ഇതേ തുടര്ന്ന് കാല്മുട്ടിനു കടുത്ത വേദനയായിരുന്നുവെന്നും അധ്യാപിക പറയുന്നു. വേദനയുടെ വിവരം അറിഞ്ഞ് കുട്ടികള് സ്വയമേ വേദന മാറ്റാന് സഹായിച്ചതാണെന്നാണ് കാരണം കാണിക്കല് നോട്ടിസിനു അധ്യാപിക നല്കിയ മറുപടി.