‘ദൈവത്തെ ഓർത്ത്‌ ആക്രമണം നിർത്തൂ’: ഇസ്രാഈലിനോട് അഭ്യർഥിച്ച്‌ ഫ്രാൻസിസ്‌ മാർപാപ്പ

ഗാസയിലേക്ക്‌ ഇസ്രാഈൽ നടത്തുന്ന ആക്രമണം ഉടൻ അവസാനിപ്പിക്കണമെന്ന്‌ അഭ്യർഥിച്ച്‌ ഫ്രാൻസിസ്‌ മാർപാപ്പ. സെന്റ്‌ പീറ്റേഴ്‌സ്‌ ചത്വരത്തിൽ വിശ്വാസികളെ അഭിസംബോധന ചെയ്യുകയായിരുന്നു അദ്ദേഹം.അതീവഗുരുതരമായ സാഹചര്യമാണ്‌ ഗാസയിലെന്നും ജനങ്ങൾക്ക്‌ മാനുഷിക സഹായം എത്തിക്കണമെന്നും അദ്ദേഹം ആവശ്യപ്പെട്ടു. ദൈവത്തെ ഓർത്ത്‌ വെടിനിർത്തൽ പ്രഖ്യാപിക്കണം. സംഘർഷം വ്യാപിക്കുന്നത്‌ തടയാൻ ആവശ്യമായത്‌ ചെയ്യണം. മുറിവേറ്റവർക്ക്‌ ചികിത്സ എത്തിക്കണമെന്നും , ബന്ദികളെ മോചിപ്പിക്കണമെന്നും മാർപാപ്പ ആവശ്യപ്പെട്ടു