ന്യൂഡല്ഹി: ഇന്ധന വിലവര്ധനവില് പ്രതികരണവുമായി ധനമന്ത്രി നിര്മ്മല സീതാരാമന്. ഇന്ധന വിലവര്ധിക്കുന്നതില് കേന്ദ്രവും സംസ്ഥാനങ്ങളും ഒരുമിച്ച് പരിഹാരം കാണണം. കേന്ദ്രത്തിന് മാത്രമായി പരിഹാരം കാണാനാകില്ല. ഇന്ധനവില ജിഎസ്ടി പരിധിയില് കൊണ്ടുവരാന് കേന്ദ്രം തയ്യാറാണ്. ഇതിന് സംസ്ഥാനങ്ങളും തയ്യാറാകണം. ചര്ച്ചകള്ക്ക് തയ്യാറാവണമെന്നും ധനമന്ത്രി പറഞ്ഞു.
അതേസമയം തുടര്ച്ചയായ 13ാം ദിവസവും സംസ്ഥാനത്ത് ഇന്ധന വില വര്ധിച്ചു. ഡീസലിനും പെട്രോളിനും 39 പൈസ വീതമാണ് വര്ധിച്ചത്. ഇന്ധനവിലയില് ഏറ്റവും വലിയ പ്രതിദിന വര്ധനവാണ് ഇത്.
ഇതോടെ കൊച്ചിയില് ഇന്ന് പെട്രോള് വില 90.85 ആയി. ഡീസല് ലിറ്ററിന് 85.49 രൂപയായി. തിരുവനന്തപുരത്ത് പെട്രോളിന് 92.69 രൂപയായി.