kerala
ജി. സുധാകരനെ തളയ്ക്കാനാവുമോ?’പൊളിറ്റിക്കല് ക്രിമിനലിസ’ത്തിനെതിരെ പുതിയ ശാക്തിക ചേരിക്ക് സാധ്യത
സി.പി.എമ്മില് ‘പൊളിറ്റിക്കല് ക്രിമിനലിസം’ എന്ന ഗുരുതരമായ ആരോപണം ഉയര്ത്തിയാണ് സുധാകരന് ബദല് രാഷ്ട്രീയ സൂചന നല്കിയത്.
പാര്ട്ടിയെയും സര്ക്കാരിനെയും സ്വന്തം കൈപ്പിടിയിലൊതുക്കി പിണറായി വിജയന് വെട്ടിനിരത്തിയ നേതാക്കളില് ഇനി ജി. സുധാകരനും. മുതിര്ന്ന നേതാവ് ജി. സുധാകരനെ പരസ്യമായി ശാസിച്ച സി.പി.എം നടപടി പാര്ട്ടിയില് പുതിയ ചേരിക്ക് വഴിയൊരുക്കുമെന്നാണ് സൂചന. പാര്ട്ടി സമ്മേളനങ്ങളുടെ ഘട്ടത്തില് ഒരു മുതിര്ന്ന നേതാവിനെതിരെ അച്ചടക്ക നടപടി സ്വീകരിക്കുന്നതിലൂടെ സി.പി.എം രാഷ്ട്രീയത്തിലുണ്ടായേക്കാവുന്ന പൊട്ടിത്തെറികളാണ് ഈ സാധ്യതക്ക് ആക്കം കൂട്ടുന്നത്. പാര്ട്ടി പിടിച്ചെടുക്കാന് ആരെയും അനുവദിക്കില്ലെന്ന് സുധാകരന് കഴിഞ്ഞ ദിവസം വ്യക്തമാക്കിയിരുന്നു.
സംസ്ഥാന കമ്മിറ്റിയില് സുധാകരന്റെ വിശദീകരണത്തെ പിന്തുണക്കാന് ആരുമുണ്ടായില്ല. താന് തെറ്റ് ചെയ്തിട്ടില്ല, അമ്പലപ്പുഴയില് വോട്ട് കുറഞ്ഞിട്ടില്ല, ആലപ്പുഴയിലാണ് വോട്ട് കുറഞ്ഞത് തുടങ്ങിയ കാര്യങ്ങള് വിശദീകരിച്ചെങ്കിലും പരസ്യശാസന പ്രഖ്യാപിക്കുകയായിരുന്നു. നിയമസഭാ തെരഞ്ഞെടുപ്പിലെ സ്ഥാനാര്ത്ഥി നിര്ണയത്തില് തുടങ്ങിയതാണ് പാര്ട്ടിക്കുള്ളിലെ അപശബ്ദം. ജി. സുധാകരനും തോമസ് ഐസക്കും തെരഞ്ഞെടുപ്പ് ചിത്രത്തില് നിന്ന് മാറിയതോടെ ആലപ്പുഴയില് സജി ചെറിയാന്റെ നേതൃത്വത്തിലുള്ള നിര രംഗത്തുവന്നു. സജിക്കൊപ്പം എച്ച്. സലാമും എ.എം ആരിഫും പി.പി ചിത്തരഞ്ജനും ആലപ്പുഴയില് ആധിപത്യമുറപ്പിച്ചു.
എന്നാല് സുധാകരന് നേതൃത്വത്തിനെതിരെ പോരാടാന് തന്നെയാണ് സാധ്യത. വാര്ധക്യ സഹജമായ അസുഖങ്ങള് കാരണം വി.എസ് അച്യുതാനന്ദന് സജീവ രാഷ്ട്രീയത്തില് നിന്ന് വിട്ടുനില്ക്കുന്ന സാഹചര്യത്തില് ആലപ്പുഴയില് നിന്നുതന്നെ പുതിയൊരു ശാക്തിക ചേരി പിറവിയെടുക്കാനുള്ള സാധ്യതയേറെയാണ്. പാര്ട്ടിയില് നേരത്തെ വി.എസ് ഉയര്ത്തിയ എതിര് ശബ്ദങ്ങള് ഉള്പാര്ട്ടി ജനാധിപത്യത്തിന്റെ നിയന്ത്രണങ്ങള് ലംഘിച്ചിരുന്നു. പിന്നീട് വളരെ കരുതലോടെ ചുവടുവെച്ച പാര്ട്ടി, നിരന്തരം തെറ്റുതിരുത്തല് പ്രക്രിയക്ക് വിധേയമായിയിരുന്നു. സുധാകരനെതിരെ നടപടി വന്നതോടെ ആലപ്പുഴയിലെ പാര്ട്ടി സമ്മേളനങ്ങള് വീണ്ടും ശ്രദ്ധാകേന്ദ്രമാകും.
രണ്ട് തവണ മത്സരിച്ചവര് തെരഞ്ഞെടുപ്പില് നിന്നും മാറി നില്ക്കണമെന്ന പാര്ട്ടിയുടെ കര്ശന നിബന്ധനയെ തുടര്ന്ന് അമ്പലപ്പുഴയില് നിന്ന് രണ്ടാം തവണയും മത്സരിക്കാന് തയ്യാറെടുത്ത സുധാകരന് മാറി നില്ക്കേണ്ടി വന്നു. ഇതില് പ്രതിഷേധിച്ച് സുധാകരന് തെരഞ്ഞെടുപ്പ് പ്രവര്ത്തനങ്ങളില് നിന്നും വിട്ടുനില്ക്കുകയും അമ്പലപ്പുഴയില് മത്സരിച്ച എച്ച്. സലാമിനെതിരായി വ്യക്തിപരമായ ആക്ഷേപങ്ങള് ഉയര്ന്നപ്പോള് മൗനം പാലിക്കുകയും ചെയ്തു. പ്രചരണത്തിന്റെ ആദ്യഘട്ടങ്ങളില് നടന്ന കുടുംബയോഗങ്ങളില് പങ്കെടുത്തില്ല. തെരഞ്ഞെടുപ്പ് ഫണ്ട് കണ്ടെത്തുന്നതില് വീഴ്ച വരുത്തി. തുടങ്ങിയ ഗുരുതരമായ കണ്ടെത്തലുകളാണ് പാര്ട്ടി അന്വേഷണ കമ്മിഷന് റിപ്പോര്ട്ടില് പറയുന്നത്. സി.പി.എം തെരഞ്ഞെടുപ്പ് റിപ്പോര്ട്ടില് പേരെടുത്ത് പരാമര്ശിക്കുന്ന ഏക നേതാവ് ജി.സുധാകരനാണ്.
സി.പി.എമ്മില് ‘പൊളിറ്റിക്കല് ക്രിമിനലിസം’ എന്ന ഗുരുതരമായ ആരോപണം ഉയര്ത്തിയാണ് സുധാകരന് ബദല് രാഷ്ട്രീയ സൂചന നല്കിയത്. ഇത് രണ്ടാം തവണയാണ് ജി. സുധാകരന് പാര്ട്ടി അച്ചടക്ക നടപടി നേരിടുന്നത്. 2002ല് ആലപ്പുഴ ജില്ലാ കമ്മറ്റിയിലേക്ക് വിഭാഗീയ പ്രവര്ത്തനങ്ങള് നടത്തിയതിന് സുധാകരനെതിരെ സി.പി.എം നടപടിയെടുത്തിരുന്നു. തെരഞ്ഞെടുപ്പ് പ്രവര്ത്തനങ്ങളുടെ പേരില് ഇത്തവണ നടപടി നേരിട്ട ഏറ്റവും മുതിര്ന്ന നേതാവാണ് സുധാകരന്. ഇന്നലത്തെ യോഗത്തില് പൂര്ണമായും പങ്കെടുത്ത സുധാകരന് പാര്ട്ടി അന്വേഷണ കമ്മിഷന്റെ കണ്ടെത്തലുകളില് വിശദീകരണം നല്കി. ഇതിന് ശേഷമാണ് നടപടി സംബന്ധിച്ച് അന്തിമ തീരുമാനമുണ്ടായത്. നിലവില് 73കാരനായ സുധാകരന് പാര്ട്ടി സംസ്ഥാന സമിതി അംഗമാണ്. ഇപ്പോഴത്തെ തീരുമാന പ്രകാരം 75 വയസ് വരെ മാത്രമേ സുധാകരന് ഈ സമിതിയില് തുടരാനാകൂ.
kerala
സംസ്ഥാന തിരഞ്ഞെടുപ്പ് കമ്മിഷണർ എ ഷാജഹാൻ പട്ടം സെന്റ് മേരീസിൽ വോട്ട് രേഖപ്പെടുത്തി
തദ്ദേശ തെരഞ്ഞെടുപ്പിന്റെ ആദ്യ ഘട്ട വോട്ടെടുപ്പില് മെച്ചപ്പെട്ട പോളിങ്.
തദ്ദേശ തെരഞ്ഞെടുപ്പിന്റെ ആദ്യ ഘട്ട വോട്ടെടുപ്പില് മെച്ചപ്പെട്ട പോളിങ്. ഉച്ചക്ക് ഒരുമണിവരെ 47.6 ശതമാനത്തിലേറെ ആളുകള് വോട്ട് രേഖപ്പെടുത്തി. ഏഴ് ജില്ലകളിലാണ് ഇന്ന് വോട്ടെടുപ്പ് നടക്കുന്നത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ജില്ലകളിലെ വോട്ടര്മാരാണ് പോളിങ് ബൂത്തിലേക്ക് നീങ്ങുന്നത്. സംസ്ഥാന തിരഞ്ഞെടുപ്പ് കമ്മിഷണർ എ ഷാജഹാൻ പട്ടം സെന്റ് മേരീസ് എച്ച് എസ് എസിൽ വോട്ട് രേഖപ്പെടുത്തി
ആകെ 36, 630 സ്ഥാനാര്ത്ഥികളാണ് ഒന്നാം ഘട്ടത്തില് ജനവിധി തേടുന്നത്. 1.32 കോടിയിലധികം വോട്ടര്മാര്ക്കായി 15, 432 പോളിങ് സ്റ്റേഷനുകളാണ് ഒരുക്കിയിരിക്കുന്നത്. വടക്കന് ജില്ലകളില് വ്യാഴാഴ്ചയാണ് വോട്ടെടുപ്പ്. ഇന്ന് വൈകിട്ടോടെ പരസ്യപ്രചരണം അവസാനിക്കും.
ആദ്യ ഘട്ട വോട്ടിങ് നടക്കുന്ന ജില്ലകളില് ഏറ്റവും കൂടുതല് പോളിങ് നടന്നത് എറണാകുളത്താണ് 49 ശതമാനത്തിലേറെ ആളുകള് എറണാകുളത്ത് വോട്ട് രേഖപ്പെടുത്തി. ഏറ്റവും കുറവ് പോളിങ് തിരുവനന്തപുരത്താണ്. 41 ശതമാനമാണ് തിരുവനന്തപുരത്തെ പോളിങ്. കൊല്ലത്ത്- 45, പത്തനംതിട്ട- 44.76 , ആലപ്പുഴ -46.77 , കോട്ടയം- 44.68 ശതമാനം, ഇടുക്കി-43.82 ശതമാനം എന്നിങ്ങനെയാണ് പോളിങ് ശതമാനം. തിരുവനന്തപുരം കോര്പ്പറേഷനിലടക്കം പോളിങ് സ്റ്റേഷനുകള്ക്ക് മുമ്പില് രാവിലെ മുതല് വലിയ വരിയാണ്.
കേരളത്തിലെത്തിയശേഷമുള്ള ഗവര്ണറുടെ ആദ്യവോട്ടായിരുന്നു. പ്രതിപക്ഷ നേതാവ് വി ഡി സതീശന് , എഐസിസി ജനറല് സെക്രട്ടറി കെസി വേണുഗോപാല് , ശശിതരൂര് എം.പി, രമേശ് ചെന്നിത്തല, കെ. മുരളീധരന്, എം.എം ഹസന്,പിജെ ജോസഫ്, ജോസ് കെ.മാണി, അടൂര് പ്രകാശ്, വൈക്കം വിശ്വന് ,ജി.സുധാകരന്, തുടങ്ങിയ നേതാക്കളും വോട്ട് രേഖപ്പെടുത്തി .
kerala
തദ്ദേശ തിരഞ്ഞെടുപ്പ്: എറണാകുളം ജില്ലയില് ഇതുവരെ 1107724 പേര് വോട്ട് രേഖപ്പെടുത്തി
പോളിംഗ് ശതമാനം 41.52 %ആയി.
തദ്ദേശ തിരഞ്ഞെടുപ്പ് നടക്കുന്ന എറണാകുളം ജില്ലയില് നിലവില് 1107724 പേര് വോട്ട് രേഖപ്പെടുത്തി. ആകെ 2667746 വോട്ടര്മാരാണ് ജില്ലയിലുള്ളത്. പോളിംഗ് ശതമാനം 41.52 %ആയി.
നഗരസഭ
• കളമശ്ശേരി -41.9 %
* കോതമംഗലം -43.58 %
* അങ്കമാലി – 47.32%
* തൃപ്പൂണിത്തുറ- 38.26%
* മുവാറ്റുപുഴ – 48.78%
* നോര്ത്ത് പറവൂര് – 46.73%
* പെരുമ്പാവൂര് – 48.85%
* ആലുവ – 44.54%
•തൃക്കാക്കര – 38.09%
* ഏലൂര്- 47.97%
* മരട് -45.41 %
* കൂത്താട്ടുകുളം – 51.36%
* പിറവം – 46.42%
ബ്ലോക്ക് പഞ്ചായത്തുകള്
* പറവൂര് – 44.87%
* ആലങ്ങാട് – 43.63%
* അങ്കമാലി – 42.56%
* കൂവപ്പടി – 44.51%
* വാഴക്കുളം – 45.21%
* ഇടപ്പള്ളി – 40.97%
* വൈപ്പിന് -43.07 %
* പള്ളുരുത്തി -41.61 %
* മുളന്തുരുത്തി – 43.12%
* വടവുകോട് – 47.12%
• കോതമംഗലം – 42.89%
* പാമ്പാക്കുട -41.33%
* പാറക്കടവ് – 45.42%
* മുവാറ്റുപുഴ -41.6%
കോര്പ്പറേഷന്
* കൊച്ചി കോര്പ്പറേഷന് – 32.6%
തദ്ദേശ തിരഞ്ഞെടുപ്പിന്റെ ആദ്യ ഘട്ടത്തില് വോട്ടെടുപ്പ് തുടങ്ങി ആറ് മണിക്കൂര് പിന്നിടുമ്പോള് ഏഴ് ജില്ലകളിലും ഭേദപ്പെട്ട പോളിങ്. 11.45ന് പുറത്തെത്തിയ കണക്കുകള് പ്രകാരം തിരുവനന്തപുരം ജില്ലയിലെ പോളിങ് 29.23 ശതമാനം കടന്നു. കൊല്ലത്തെ പോളിങ് 32.57 ശതമാനമാണ്. പത്തനംതിട്ടയില് 31.37 ശതമാനം വോട്ടുകള് പോള് ചെയ്യപ്പെട്ടപ്പോള് ആലപ്പുഴയില് 33.81 ശതമാനം വോട്ടുകളും കോട്ടയത്ത് 31.88 ശതമാനം വോട്ടുകളും പോള് ചെയ്യപ്പെട്ടു. ഇടുക്കിയില് പോളിങ് ശതമാനം 33.33 ശതമാനമായി.
kerala
30ാമത് ഐ.എഫ്.എഫ്.കെ: ജൂറി ചെയര്പേഴ്സണായി ഇറാനിയന് വിദ്വേഷചലച്ചിത്രകാരന് മുഹമ്മദ് റസൂലോഫ്
കാന് ചലച്ചിത്രമേളയില് നാല് സിനിമകള് കൊണ്ടു മാത്രം എട്ട് പുരസ്കാരങ്ങള് നേടിയ അപൂര്വ നേട്ടം കൈവരിച്ച സംവിധായകനാണ് റസൂലോഫ്.
തിരുവനന്തപുരം: 30ാമത് ഇന്റര്നാഷണല് ഫിലിം ഫെസ്റ്റിവല് ഓഫ് കേരള (IFFK) മത്സരവിഭാഗത്തിന്റെ ജൂറി ചെയര്പേഴ്സണ് ആയി പ്രശസ്ത ഇറാനിയന് സംവിധായകന് മുഹമ്മദ് റസൂലോഫിനെ നിയമിച്ചു. ‘ദ സീഡ് ഓഫ് ദ സേക്രഡ് ഫിഗ’് ഉള്പ്പെടെ കാന് ചലച്ചിത്രമേളയില് നാല് സിനിമകള് കൊണ്ടു മാത്രം എട്ട് പുരസ്കാരങ്ങള് നേടിയ അപൂര്വ നേട്ടം കൈവരിച്ച സംവിധായകനാണ് റസൂലോഫ്.
ബെര്ലിന്റെ ഗോള്ഡന് ബെയര്, ഗോവയിലെ സുവര്ണമയൂരം, ഷിക്കാഗോ ഫെസ്റ്റിവലിലെ സില്വര് ഹ്യൂഗോ തുടങ്ങി നിരവധി അന്താരാഷ്ട്ര അംഗീകാരങ്ങള് നേടിയ അദ്ദേഹം, 2025ലെ ലോകത്തെ ഏറ്റവും സ്വാധീനമുള്ള 100 വ്യക്തികളില് ഒരാളായി ടൈം മാഗസിനും തെരഞ്ഞെടുത്തു. സ്വതന്ത്ര ചലച്ചിത്ര പ്രവര്ത്തനങ്ങള് ചെയ്തതിനാല് ഇറാനിലെ ഭരണകൂടത്തിന്റെ കടുത്ത സെന്സര്ഷിപ്പിനും ശിക്ഷാവിധികള്ക്കും ഇരയായ റസൂലോഫ് ഇപ്പോള് രാജ്യഭ്രഷ്ടനായി ജര്മ്മനിയില് കഴിയുന്നു.
ഇതുവരെ സംവിധാനം ചെയ്ത അഞ്ചു ഫീച്ചര് സിനിമകളില് ഒന്നും സ്വന്തം നാട്ടില് പ്രദര്ശിപ്പിക്കപ്പെട്ടിട്ടില്ല. 2010ല് സംവിധായകന് ജാഫര് പനാഹിയോടൊപ്പം സിനിമാ ചിത്രീകരണത്തിനിടെ അറസ്റ്റ് ചെയ്യപ്പെട്ട അദ്ദേഹത്തിന് ആറുവര്ഷത്തെ തടവാണ് ലഭിച്ചത്.
കഴിഞ്ഞ വര്ഷം ‘ദ സീഡ് ഓഫ് ദ സേക്രഡ് ഫിഗ’് കാന് മത്സരവിഭാഗത്തിലേക്ക് തെരഞ്ഞെടുക്കപ്പെട്ടപ്പോഴും എട്ടുവര്ഷത്തെ തടവും ചാട്ടവാറടിയും പിഴയുമടങ്ങിയ ശിക്ഷയാണ് ഇറാന് അധികാരികള് വിധിച്ചത്. ദ ട്വിലൈറ്റ്, അയണ് ഐലന്ഡ്, എ മാന് ഓഫ് ഇന്റഗ്രിറ്റി, ദെര് ഇസ് നോ ഇവില് എന്നിവ അദ്ദേഹത്തിന്റെ മറ്റു പ്രധാന സിനിമകളാണ്.
അന്താരാഷ്ട്ര മത്സരവിഭാഗത്തിലെ മറ്റു ജൂറി അംഗങ്ങള് സ്പാനിഷ് നടി ആന്ഗെലാ മോലിന, വിയറ്റ്നാമീസ് സംവിധായകനും എഴുത്തുകാരനുമായ ബുയി താക് ചുയന്, മലേഷ്യന് സംവിധായകന് എഡ്മണ്ട് ഇയോ, ബ്രിട്ടീഷ്-ഇന്ത്യന് സംവിധായിക സന്ധ്യ സൂരി എന്നിവരാണ്. ബുയി താക് ചുയന് ബുസാന്, ഷാങ്ഹായ് മേളകളില് പുരസ്കാരനേട്ടങ്ങളുള്ള സംവിധായകനാണ്.
എഡ്മണ്ട് ഇയോയുടെ ചിത്രങ്ങള് വെനീസ്, കാന്, ലൊകാര്ണോ, ടൊറന്റോ ചലച്ചിത്രമേളകളില് തെരഞ്ഞെടുക്കപ്പെട്ടിട്ടുണ്ട്. അരനൂറ്റാണ്ടിലേറെയായി പെദ്രോ അല്മോദോവര്, ലൂയി ബുനുവല്, കാര്ലോസ് സോറ തുടങ്ങിയ മഹാനായ ചലച്ചിത്രകാരന്മാരുടെ സിനിമകളില് പ്രധാനവേഷങ്ങള് ചെയ്തിട്ടുള്ള ആന്ഗെലാ മോലിന നിരവധി അന്താരാഷ്ട്ര അംഗീകാരങ്ങള് നേടിയ അഭിനേത്രിയാണ്.
സന്ധ്യ സൂരിയുടെ ഫീച്ചര് ചിത്രം സന്തോഷ് കഴിഞ്ഞ വര്ഷം കാന് ഔദ്യോഗിക വിഭാഗത്തില് പ്രദര്ശിപ്പിക്കപ്പെടുകയും മികച്ച അന്താരാഷ്ട്ര ചിത്രത്തിനുള്ള ഓസ്കര് ഷോര്ട്ട്ലിസ്റ്റില് ഇടം നേടുകയും ചെയ്തു.
ഫിപ്രസ്കി ജൂറിയില് എഴുത്തുകാരനും പ്രസാധകനുമായ ക്രിസ്റ്റഫര് സ്മോള്, ഫിലിം-ടിവി-പോപ്പ് കള്ച്ചര് നിരൂപകയും പ്രക്ഷേപകയുമായ അശാന്തി ഓംകാര്, ചലച്ചിത്രനിരൂപക-കവയിത്രി-വിവര്ത്തകയായ അപരാജിത പൂജാരി എന്നിവരാണ് അംഗങ്ങള്. നെറ്റ്പാക് ജൂറിയില് ശ്രീലങ്കന് സംവിധായകനും എഡിറ്ററുമായ ഉപാലി ഗാംലത്, സംവിധായിക-നിര്മ്മാതാവായ സുപ്രിയ സൂരി, ചലച്ചിത്ര നിരൂപകയും സാംസ്കാരിക വിമര്ശകയുമായ ഇഷിത സെന്ഗുപ്ത എന്നിവരും അംഗങ്ങളാണ്.
തമിഴ് സംവിധായകന് കെ. ഹരിഹരന് കെ.ആര്. മോഹനന് അവാര്ഡിന്റെ ജൂറി ചെയര്പേഴ്സണായി സേവനം ചെയ്യും. പുനെ ഫിലിം ഇന്സ്റ്റിറ്റ്യൂട്ടില് പഠനം പൂര്ത്തിയാക്കിയ അദ്ദേഹം എട്ട് ഫീച്ചര് സിനിമകളും 350ലേറെ ഹൃസ്വചിത്രങ്ങളും ഡോക്യുമെന്ററികളും സംവിധാനം ചെയ്തിട്ടുണ്ട്. ലതിക പഡ്ഗോങ്കര് (ചലച്ചിത്രനിരൂപക-വിവര്ത്തക), നടിയും എഴുത്തുകാരിയുമായ സജിത മഠത്തില് എന്നിവരാണ് മറ്റ് അംഗങ്ങള്.
-
india22 hours agoഡോളറിന്റെ മൂല്യം കൂടിയാല് നമുക്കെന്ത ഇന്ത്യക്കാര് രൂപയല്ലേ ഉപയോഗിക്കുന്നത്: വിവാദ പരാമര്ശവുമായി ബിജെപി എംപി
-
health3 days agoഡയറ്റ് പ്ലാനിങ്ങിലുണ്ടോ? നമുക്കാവശ്യമായ ഭക്ഷണ ശൈലി ഇങ്ങനെ ക്രമീകരിക്കാം
-
news3 days agoകടുവ സെന്സസിനിടെ കാട്ടാന ആക്രമണം; വനം വകുപ്പ് ജീവനക്കാരന് കൊല്ലപ്പെട്ടു
-
news3 days agoക്ഷേത്രത്തില് വന് കവര്ച്ച; തിരുവാഭരണം മോഷണം പോയി
-
india21 hours ago‘നെഹ്റു ജീവിച്ചതും മരിച്ചതും ഇന്ത്യയ്ക്ക് വേണ്ടി’; പ്രിയങ്ക ഗാന്ധി
-
kerala24 hours agoകുപ്പിവെള്ളത്തില് ചത്ത പല്ലി; വെള്ളം കുടിച്ച യുവാവ് ആശുപത്രിയില്
-
Cricket3 days agoഹിറ്റായി ‘ഹിറ്റ്മാന്’; അന്താരാഷ്ട്ര ക്രിക്കറ്റില് 20,000 റണ്സ് എന്ന ചരിത്രനേട്ടം സ്വന്തമാക്കി രോഹിത് ശര്മ
-
Sports23 hours ago2026 ഫിഫ ലോകകപ്പ് ഫിക്സ്ച്ചര്; മത്സരങ്ങള് 104