സംസ്ഥാനത്ത് സ്വര്ണ വില ഉച്ചയ്ക്ക് ശേഷം വീണ്ടും വര്ധിച്ചു. പവന് 560 രൂപ കൂടി വര്ധിച്ചതോടെ ഒരു പവന് സ്വര്ണ്ണത്തിന് 90880 രൂപയായി. ഒരു ഗ്രാമിന് 70 രൂപ കൂടി 11360 രൂപയിലെത്തി. അതേസമയം രാവിലെ ഒരു പവന് സ്വര്ണത്തിന് 90,320 രൂപയിരുന്നു വില. ഒരു ഗ്രാമിന് 11290 രൂപയയും. ഈ വിലയാണ് ഉച്ചയ്ക്ക് ഒറ്റയടിക്ക് വര്ധിച്ച് 90880 രൂപയിലെത്തിയത്.
സെന്ട്രല് ബാങ്കുകള് സ്വര്ണം വാങ്ങിക്കൂട്ടുന്നതും അമേരിക്കന് കേന്ദ്രബാങ്കായ ഫെഡറല് റിസര്വിന്റെ തീരുമാനങ്ങളും സ്വര്ണവിലയിലെ കുതിപ്പിന് വഴിവെച്ചിട്ടുണ്ട്. ഈ വര്ഷം മാസം തോറും 64 ടണ് സ്വര്ണമാണ് സെന്ട്രല് ബാങ്കുകള് വാങ്ങിയെതെന്നാണ് ഗോള്ഡ്മാന് സാച്ച്സ് റിസര്ച്ചിന്റെ റിപ്പോര്ട്ട്.
എന്നാല് സ്വര്ണവിലയിലുണ്ടാകുന്ന ഉയര്ച്ച സ്വര്ണത്തിന്റെ ആവശ്യകതയില് ഇടിവ് സംഭവിച്ചിട്ടില്ലെന്നാണ് റിപ്പോര്ട്ട്. ആഭരണത്തിന് മാത്രമാണ് ആവശ്യക്കാര് കുറയുന്നത്. അതേസമയം, ബാര്, കോയിന്, ഡിജിറ്റല് ഗോള്ഡ് എന്നിങ്ങനെ പല രീതിയില് സ്വര്ണവില്പ്പന നടക്കുന്നുണ്ട്.