സ്വര്‍ണ വില വീണ്ടും ഉയര്‍ന്നു

സംസ്ഥാനത്ത് സ്വര്‍ണ വിലയില്‍ വീണ്ടും വര്‍ധനവ്.  ഇന്ന് ഗ്രാമിന് 50 രൂപയും പവന് 400 രൂപയും വര്‍ധിച്ചു. ഇതോടെ സ്വര്‍ണവില ഗ്രാമിന് 4630 രൂപയായി. പവന് 37,040 രൂപയും. ഇന്നലെ ഗ്രാമിന് 30 രൂപയും പവന് 240 രൂപയും കൂടിയിരുന്നു. ഈ മാസം സ്വര്‍ണ വില ഏറ്റവും അധികം ഉയര്‍ന്നത് 12,13,15 എന്നി ദിവസങ്ങളിലായിരുന്നു. ഈ ദിവസങ്ങളില്‍ 37,440 രൂപയായിരുന്നു ഒരു പവന്‍ സ്വര്‍ണത്തിന്റെ വില. കേരളത്തിലെ സ്വര്‍ണവില അന്താരാഷ്ട്ര വിപണിക്ക് അനുസൃതമായാണ് മാറുന്നത്.