സ്വര്‍ണ്ണവില കുതിച്ചുയര്‍ന്നു; ഈ മാസത്തെ ഏറ്റവും ഉയര്‍ന്ന നിരക്കില്‍

ഈ മാസത്തെ ഏറ്റവും ഉയര്‍ന്ന നിരക്കിലേക്ക് കുതിച്ചുയര്‍ന്ന് സ്വര്‍ണ്ണവില. സ്വര്‍ണ്ണം ഗ്രാമിന് 15 രൂപയുടെയും പവന് 120 രൂപയുമാണ് വര്‍ധനവ്. ഇതോടെ സംസ്ഥാനത്ത് ഒരു ഗ്രാം സ്വര്‍ണ്ണത്തിന് 6880 രൂപയാണ് വില. ഒരു പവന്‍ സ്വര്‍ണ്ണത്തിന് 55040 രൂപയും നല്‍കേണ്ടി വരും.

കഴിഞ്ഞ മേയ് 20ന് സ്വര്‍ണ്ണ വില റെക്കോര്‍ഡ് കടന്നിരുന്നു. പവന് 55,120 രൂപയായിരുന്നു അന്ന് രേഖപ്പെടുത്തിയിരുന്നത്.

രാജ്യാന്തര സ്വര്‍ണ്ണവില കഴിഞ്ഞ ദിവസങ്ങളിലായി റെക്കോര്‍ഡ് കടക്കുകയാണ്. ഒണ്‍സിന് 2,580 ഡോളര്‍ കടന്നു മുന്നേറുകയാണ് വില.