മാറ്റമില്ലാതെ സ്വര്‍ണവില

സംസ്ഥാനത്ത് സ്വര്‍ണവിലയില്‍ ഇന്നും മാറ്റമില്ല. വെള്ളിയാഴ്ച രാവിലെ പവന് 1040 രൂപ കുറഞ്ഞെങ്കിലും വൈകിട്ടോടെ 800 രൂപ കൂടി 1,12,960രൂപയില്‍ എത്തുകയായിരുന്നു. ഇതേ നിരക്കിലാണ് ശനിയാഴ്ചയും വില്‍പ്പന പുരോഗമിക്കുന്നത്. ഗ്രാമിന് 14,120 രൂപ എന്നതാണ് നിലവിലെ വില.

18 കാരറ്റ് സ്വര്‍ണം ഗ്രാമിന് 11,605 രൂപ, 14 കാരറ്റ് 9,035രൂപ, 9 കാരറ്റ് 5,825 രൂപ എന്നിങ്ങനെയാണ് വില. കഴിഞ്ഞ കുറച്ച് ദിവസങ്ങളായി സ്ഥിരത പുലര്‍ത്തുന്ന വെള്ളി ഇന്ന് ഗ്രാമിന് 260രൂപ എന്ന നിരക്കിലാണ് വ്യാപാരം നടക്കുന്നത്.

ആഗോള വിപണിയില്‍ സ്വര്‍ണവില നേരിയ തോതില്‍ ഉയര്‍ന്നിട്ടുണ്ട്. സ്‌പോട്ട് ഗോള്‍ഡ് ഔണ്‍സിന് 0.05 ശതമാനം കൂടി 4,708.69 ഡോളറിലെത്തി. കഴിഞ്ഞ നാല് ആഴ്ചകളിലുണ്ടായ വലിയ വര്‍ധനയ്ക്കു പിന്നാലെ ഡോളര്‍ ശക്തിപ്രാപിച്ചതും മിഡില്‍ ഈസ്റ്റിലെ സംഘര്‍ഷാവസ്ഥയും ഈ ആഴ്ചയില്‍ വിലയില്‍ ചാഞ്ചാട്ടം സൃഷ്ടിച്ചിരിക്കുകയാണ്.