തിരുവനന്തപുരം: ലക്ഷദ്വീപില് ന്യൂനമര്ദ്ദം രൂപപ്പെട്ടതിനെ തുടര്ന്ന് സംസ്ഥാനത്ത് ശക്തമായ മഴക്ക് സാധ്യതയെന്ന് കാലാവസ്ഥ നിരീക്ഷണകേന്ദ്രം. മൂന്നു ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ഇടുക്കി,മലപ്പുറം, വയനാട് ജില്ലകളിലാണ് ഓറഞ്ച് അലര്ട്ട്. മല്സ്യത്തൊഴിലാളികള് ഇന്നും നാളെയും കടലില് പോകരുതെന്നും കാലാവസ്ഥ വകുപ്പ് മുന്നറിയിപ്പ് നല്കി.
കാലവര്ഷം രാജ്യത്ത് നിന്ന് പൂര്ണായി പിന്വാങ്ങിയതായും വടക്കുകിഴക്കന് മണ്സൂണ് (തുലാവര്ഷം)ന് തുടക്കമായതായും കാലാവസ്ഥ വകുപ്പ് ഇന്നലെ പ്രഖ്യാപിച്ചിരുന്നു. നാലുദിവസം ഇടിമിന്നലോടുകൂടിയ ശക്തമായ മഴക്ക് സാധ്യതയുള്ളതായും കാലാവസ്ഥ വകുപ്പ് അറിയിച്ചിരുന്നു. തുലാവര്ഷത്തിന്റെ പതിവനുസരിച്ച് ഉച്ചയോടെ ഇടിമിന്നലും മഴയുമുണ്ടാവും. ഇടിമിന്നല് അപകടങ്ങള് ഒഴിവാക്കാന് ജാഗ്രത പാലിക്കണമെന്നും ദുരന്തനിവാരണ അതോറിറ്റി നിര്ദ്ദേശിച്ചു.