ശക്തമായ മഴ തുടരുന്ന സാഹചര്യത്തില് തിരുവനന്തപുരം ജില്ലയിലെ വിദ്യാഭ്യാസ സ്ഥാപനങ്ങള്ക്ക് ഇന്ന് (26-09-25) അവധി പ്രഖ്യാപിച്ചു. മുന് നിശ്ചയിച്ച പ്രകാരമുള്ള പൊതു പരീക്ഷകള് ഒഴികെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കുമാണ് ജില്ലാ കലക്ടര് അവധി പ്രഖ്യാപിച്ചത്.
തെക്കന് കേരളത്തിലും മധ്യ കേരളത്തിലും ഒറ്റപെട്ട ശക്തമായ മഴയ്ക്ക് സാധ്യതയുണ്ട്. എട്ട് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
തിരുവനന്തപുരം മുതല് തൃശൂര് വരെയുള്ള ജില്ലകളില് ആണ് മുന്നറിയിപ്പ്. 50 കിലോമീറ്റര് വരെ വേഗതയില് കാറ്റ് വീശാന് സാധ്യതയുള്ളതിനാല് ജാഗ്രത പുലര്ത്തണമെന്നും മുന്നറിയിപ്പുണ്ട്.