കനത്തമഴ: ഉത്തരാഖണ്ഡിൽ കോളജ് കെട്ടിടം തകർത്തെറിഞ്ഞ് വെള്ളപ്പൊക്കം

മഴ ശക്തമായ ഉത്തരാഖണ്ഡില്‍ ഡിഫന്‍സ് കോളേജ് കെട്ടിടം തകര്‍ന്നുവീണു. ഡെറാഡൂണ്‍ ഡിഫന്‍സ് കോളേജ് കെട്ടിടമാണ് നിമിഷ നേരം കൊണ്ട് നിലംപൊത്തിയത്. ഇതിന്റെ ദൃശ്യങ്ങളും പുറത്തുവന്നിട്ടുണ്ട്. മഴക്കെടുതിയില്‍ സംസ്ഥാനത്ത് ഇതുവരെ 60 മരണമാണു റിപ്പോര്‍ട്ട് ചെയ്തത്. 17 പേരെ കാണാതായി.

#WATCH | A college building collapsed due to incessant rainfall in Dehradun, Uttarakhand.

(Source: Dehradun Police) https://t.co/i4dpSQs2MH pic.twitter.com/1XhTLTafCi

— ANI UP/Uttarakhand (@ANINewsUP) August 14, 2023

കനത്ത മഴയ്‌ക്കൊപ്പം ഉരുള്‍പൊട്ടലും വലിയ ബുദ്ധിമുട്ട് സൃഷ്ടിക്കുന്നുണ്ട്. നദീതീരത്തുള്ള കെട്ടിടം തകര്‍ന്നുവീഴുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ ഒട്ടേറെപ്പേര്‍ പങ്കുവച്ചു. കനത്ത മഴ തുടരുന്നതിനാല്‍ സംസ്ഥാനത്ത് പലയിടത്തും കാലാവസ്ഥ വകുപ്പ് റെഡ് അലര്‍ട്ട് പ്രഖ്യാപിച്ചിട്ടുണ്ട്.