പത്തനംതിട്ടയില് എയ്ഡഡ് സ്കൂള് അധ്യാപികയായ ഭാര്യയ്ക്ക് 14 വര്ഷമായി ശമ്പളം ലഭിക്കാത്തതില് മനം നൊന്ത് ഭര്ത്താവ് ജീവനൊടുക്കി. പത്തനംതിട്ട നാറാണംമുഴി സ്വദേശി ഷിജോ ത്യാഗരാജന് ആണ് ജീവനൊടുക്കിയത്. നാറാണംമൂഴി സെന്റ് ജോസഫ് സ്കൂളിലെ അധ്യാപികയായ ഷിജോയുടെ ഭാര്യക്ക് 14 വര്ഷത്തെ ശമ്പളം നല്കാന് ഹൈക്കോടതി ഉത്തരവിട്ടിരുന്നു. എന്നാല് ഡിഇഒ ഓഫീസില് നിന്ന് തുടര്നടപടിയുണ്ടായില്ലെന്ന് ഷിജോയുടെ പിതാവ് ത്യാഗരാജന് പറഞ്ഞു.
ഇന്ന് വൈകുന്നേരം മുതല് ഷിജോയെ കാണാനില്ലായിരുന്നു. തുടര്ന്ന് നടത്തിയ പരിശോധനയിലാണ് വീടിന് ഒന്നര കിലോമീറ്റര് അകലെ വനമേഖലയില് മരത്തില് തൂങ്ങിമരിച്ച നിലയില് കണ്ടെത്തിയത്. കൃഷിവകുപ്പില് ഫീല്ഡ് സ്റ്റാഫ് ആണ് ഷിജോ ത്യാഗരാജന്.