കൊച്ചി: എറണാകുളം നഗരത്തിലെ ബ്രോഡ്വേയില് വന് തീപിടിത്തം. 12 ഓളം കടകള് കത്തിനശിച്ചു. ഫാന്സി ഉത്പന്നങ്ങളും കളിപ്പാട്ടങ്ങളും വില്ക്കുന്ന കടകളാണ് കത്തിനശിച്ചത്. പുലര്ച്ചെ 1:15-ഓടെ ശ്രീധര് തിയേറ്ററിനടുത്തുള്ള കടകള്ക്കാണ് തീപിടിച്ചത്.
പ്ലാസ്റ്റിക് കളിപ്പാട്ടങ്ങളും ഫാന്സി സാധനങ്ങളും ഉള്ള കടകളായതിനാല് തീ അതിവേഗം പടരുകയായിരുന്നു. ഫയര്ഫോഴ്സിന്റെ 11 യൂണിറ്റുകള് സ്ഥലത്തെത്തി. തീ നിയന്ത്രണ വിധേയമായതായി അധികൃതര് അറിയിച്ചു. തീപിടിത്തത്തിന്റെ കാരണം വ്യക്തമല്ല.