ഇടുക്കി, കോന്നി മെഡിക്കല് കോളേജുകള്ക്ക് രണ്ടാം വര്ഷ എംബിബിഎസ് കോഴ്സിനുള്ള അംഗീകാരം ലഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. ഇതുസംബന്ധിച്ച് നാഷണല് മെഡിക്കല് കമ്മീഷന്റെ കത്ത് ലഭിച്ചിട്ടുണ്ട്.. മാനദണ്ഡ പ്രകാരമുള്ള ക്രമീകരണങ്ങള് ഒരുക്കുന്നതിനുള്ള നിരന്തര ഇടപെടലുകള്ക്കും തുടര്പ്രവര്ത്തനങ്ങള്ക്കുമുള്ള അംഗീകാരം കൂടിയാണിത്. മറ്റ് മെഡിക്കല് കോളേജുകള് പോലെ കോന്നി, ഇടുക്കി മെഡിക്കല് കോളേജുകളെ ഉന്നത നിലവാരത്തിലെത്തിക്കാനാണ് സര്ക്കാര് ലക്ഷ്യമിടുതെന്നും മന്ത്രി പറഞ്ഞു.