world
ഇറാനെ തൊട്ടാല് അത് തീക്കളി; ട്രംപിന് മുന്നറിയിപ്പുമായി റഷ്യ
അമേരിക്കയുടെയും ഇസ്രായേലിന്റെയും ഇത്തരം നീക്കങ്ങള് തീക്കളി ആണെന്ന് ലാവ്റോവ് വിശേഷിപ്പിച്ചു.
മോസ്കോ: ഇറാനെ ആക്രമിക്കാനുള്ള യുഎസ് നീക്കം തീക്കളിയാണെന്ന മുന്നറിയിപ്പുമായി റഷ്യ. ഇറാനെതിരെ പുതിയ സൈനിക നീക്കങ്ങള് നടത്തുന്നത് ഗുരുതരമായ പ്രത്യാഘാതങ്ങള് ഉണ്ടാക്കുമെന്നാണ് റഷ്യന് വിദേശകാര്യ മന്ത്രി സെര്ജി ലാവ്റോവിന്റെ മുന്നറിയിപ്പ്. ജനീവയില് അമേരിക്കയും ഇറാനും തമ്മില് പരോക്ഷ ചര്ച്ചകള് നടന്നതിന് പിന്നാലെയാണ് ലാവ്റോവിന്റെ ഈ നിര്ണ്ണായക ഇടപെടല്. മേഖലയിലെ ഒരു രാജ്യവും യുദ്ധമോ സംഘര്ഷമോ ആഗ്രഹിക്കുന്നില്ല. അമേരിക്കയുടെയും ഇസ്രായേലിന്റെയും ഇത്തരം നീക്കങ്ങള് തീക്കളി ആണെന്ന് ലാവ്റോവ് വിശേഷിപ്പിച്ചു.
News
മിഡില് ഈസ്റ്റിലെ സൈനിക സാന്നിധ്യം വര്ധിപ്പിച്ച് യുഎസ്; 24 മണിക്കൂറിനുള്ളില് അയച്ചത് 50-ല് അധികം യുദ്ധവിമാനങ്ങള്
മേഖലയില് വിന്യസിച്ചിട്ടുള്ള യുഎസിന്റെ നാവിക, വ്യോമ സേനകളെ ശക്തിപ്പെടുത്തുന്നതില് പങ്കുവഹിക്കുന്ന ഒരു വലിയ ചുവടുവെപ്പായാണ് യുഎസ് ഉദ്യോഗസ്ഥര് ഈ നീക്കത്തെ വിശേഷിപ്പിച്ചത്.
മിഡില് ഈസ്റ്റിലെ സൈനിക സാന്നിധ്യം വര്ധിപ്പിച്ച് യുഎസ്. കഴിഞ്ഞ 24 മണിക്കൂറിനുള്ളില് 50-ല് അധികം യുദ്ധവിമാനങ്ങളാണ് യുഎസ് മിഡില് ഈസ്റ്റില് വിന്യസിച്ചിരിക്കുന്നത്. ഇറാനുമായുള്ള ആണവ ചര്ച്ചകള് പുരോഗമിക്കുന്നതിനിടെയാണ് നീക്കം. മേഖലയില് വിന്യസിച്ചിട്ടുള്ള യുഎസിന്റെ നാവിക, വ്യോമ സേനകളെ ശക്തിപ്പെടുത്തുന്നതില് പങ്കുവഹിക്കുന്ന ഒരു വലിയ ചുവടുവെപ്പായാണ് യുഎസ് ഉദ്യോഗസ്ഥര് ഈ നീക്കത്തെ വിശേഷിപ്പിച്ചത്.
വിമാനങ്ങളുടെ നീക്കങ്ങള് യുഎസ് ഉദ്യോഗസ്ഥര് സ്ഥിരീകരിച്ചതായി അക്സിസോ റിപ്പോര്ട്ട് ചെയ്തു. എ22, എ35, എ16 ഫൈറ്റര് ജെറ്റുകള് ഉള്പ്പെടെ നിരവധി വിമാനങ്ങള് ഈ മേഖലയിലേക്ക് നീങ്ങുന്നതായി സ്വതന്ത്ര ഫ്ലൈറ്റ് ട്രാക്കിംഗ് ഡാറ്റയും സൈനിക വിമാന നിരീക്ഷകരും രേഖപ്പെടുത്തിയിട്ടുണ്ട്. യുദ്ധവിമാനങ്ങള് ആക്രമണത്തില് സ്ഥിരത കൈവരിക്കുന്നതിനുവേണ്ടി തയ്യാറെടുക്കുന്നതിന്റെ സൂചനയാണ് ഇതെന്ന് നിരീക്ഷകര് അഭിപ്രായപ്പെട്ടു.
കഴിഞ്ഞ 24 മണിക്കൂറിനുള്ളില് 50-ല് അധികം ഫൈറ്റര് ജെറ്റുകള് ഈ മേഖലയിലേക്ക് മാറ്റിക്കഴിഞ്ഞു. യുഎസ് സൈനിക വിന്യാസത്തിന്റെ വ്യാപ്തിയും വേഗതയും ഇത് അടിവരയിടുന്നു.’ ഒരു യുഎസ് ഉദ്യോഗസ്ഥന് പറഞ്ഞു. അമേരിക്കയുടെയും ഇറാന്റെയും ഉദ്യോഗസ്ഥര് ജനീവയില് രണ്ടാമത്തെ പരോക്ഷ ആണവ ചര്ച്ചകള് നടത്തിവരുന്നതിനിടയിലാണ് ഈ നീക്കം എന്നതാണ് ശ്രദ്ധേയം.
News
യുഎസ് ഉപരോധം ലംഘിച്ചെന്ന് സൂചന: മുംബൈ തീരത്ത് മൂന്ന് എണ്ണക്കപ്പലുകള് ഇന്ത്യ പിടിച്ചെടുത്തു
ഉപരോധം നിലവിലുള്ള ഇറാനിയന് എണ്ണ കടത്തുന്നതിനായി ഈ കപ്പലുകള് ഐഡന്റിറ്റി മാറ്റിയതായാണ് സംശയിക്കുന്നത്.
ന്യൂഡല്ഹി: യുഎസ് ഉപരോധം ലംഘിച്ച് ഇറാനുമായി എണ്ണ വ്യാപാരം നടത്തിയെന്ന് സംശയിക്കുന്ന മൂന്ന് എണ്ണക്കപ്പലുകള് ഇന്ത്യന് കോസ്റ്റ് ഗാര്ഡ് പിടിച്ചെടുത്തു. മുംബൈ തീരത്തുനിന്ന് ഏകദേശം 100 നോട്ടിക്കല് മൈല് അകലെ വെച്ചാണ് ഇവ പിടിച്ചെടുത്തത്. സ്റ്റെല്ലാര് റൂബി, ആസ്ഫാല്റ്റ് സ്റ്റാര്, അല് ജാഫ്സിയ എന്നീ കപ്പലുകളാണ് തടഞ്ഞത്. നിലവില് ഈ കപ്പലുകള് മുംബൈ തുറമുഖത്തേക്ക് മാറ്റിയിരിക്കുകയാണ്.
ഉപരോധം നിലവിലുള്ള ഇറാനിയന് എണ്ണ കടത്തുന്നതിനായി ഈ കപ്പലുകള് ഐഡന്റിറ്റി മാറ്റിയതായാണ് സംശയിക്കുന്നത്. നേരത്തെ യു.എസ് ഉപരോധം ഏര്പ്പെടുത്തിയ ഗ്ലോബല് പീസ്, ചില് 1, ഗ്ലോറി സ്റ്റാര് 1 എന്നീ കപ്പലുകളുടെ IMO നമ്പറുകളാണ് ഇവയ്ക്കുള്ളതെന്ന് യു.എസ് അധികൃതര് വ്യക്തമാക്കി.
കപ്പലുകളില് നിന്ന് കപ്പലുകളിലേക്ക് എണ്ണ മാറ്റി നിറച്ചും, പേരുകള് നിരന്തരം മാറ്റിയും നിരീക്ഷണം വെട്ടിക്കാനാണ് ഇത്തരം കപ്പലുകള് ശ്രമിക്കുക.
എന്നാല് പിടിച്ചെടുത്ത കപ്പലുകളുമായോ ചരക്കുമായോ തങ്ങള്ക്ക് യാതൊരു ബന്ധവുമില്ലെന്ന് ഇറാനിയന് സ്റ്റേറ്റ് മീഡിയ അറിയിച്ചു. നാഷണല് ഇറാനിയന് ഓയില് കമ്പനിയെ ഉദ്ധരിച്ചാണ് ഇറാന് ഈ വിശദീകരണം നല്കിയത്.
-
Film2 days ago‘എന്തിനോ വേണ്ടി തിളയ്ക്കുന്ന സാമ്പാര്’; രേഖ രതീഷിനെതിരെ അധിക്ഷേപ പരാമര്ശവുമായി കലാമണ്ഡലം സത്യഭാമ
-
News2 days agoകണ്ണൂരില് ദുരൂഹ മരണം; ടാപ്പിങ് തൊഴിലാളി വീടിനുള്ളില് മരിച്ച നിലയില്
-
News2 days agoഉപ്പ് മുതല് ഉറക്കക്കുറവ് വരെ: ഹൃദയം തകര്ക്കുന്ന ജീവിതശൈലികള്
-
News2 days agoപിഡബ്ല്യുഡിയുടെ അനാസ്ഥ; കലുങ്ക് നിര്മാണ കുഴിയില് വീണ് ബൈക്ക് യാത്രികന് ദാരുണാന്ത്യം
-
main stories2 days agoമുണ്ടക്കൈ-ചൂരല്മല ഭവന പദ്ധതി; സന്ദര്ശകര്ക്ക് നിയന്ത്രണം, ഫെബ്രുവരി 28ന് ശേഷം മാത്രം പ്രവേശനം – പി.എം.എ സലാം
-
News2 days agoആഗോള അയ്യപ്പ സംഗമം; കണക്കു പിഴവിൽ പൂർണ ഉത്തരവാദിത്വം ബോർഡിന്, കെ ജയകുമാർ
-
main stories2 days agoമുസ്ലിംകളെ പുറത്താക്കാൻ ആഹ്വാനം ചെയ്ത ഹിന്ദുത്വ സമ്മേളനത്തിന് കേന്ദ്ര ധനസഹായം; വിവാദ പ്രസ്താവനകൾക്കെതിരെ വിമർശനം
-
News2 days ago‘ഒരേ പോലുള്ള പാട്ടുകള് പാടി മടുത്തു’; അരിജിത് സിംഗിന്റെ വിരമിക്കല് കാരണം വ്യക്തമാക്കി അനുരാഗ് കശ്യപ്