കൊല്ലം കിളികൊല്ലൂരില് പൊറോട്ട കൊടുക്കാത്തതിന് കടയുടമയുടെ തല അടിച്ചു പൊട്ടിച്ചു. കിളികൊല്ലൂര് മങ്ങാട് സംഘം മുക്കില് സെന്റ് ആന്റണീസ് ടീ സ്റ്റാള് ഉടമ അമല് കുമാറിന്റെ തലയാണ് രണ്ടംഗ സംഘം അടിച്ചു പൊട്ടിച്ചത്. ഇന്നലെ രാത്രിയാണ് സംഭവം. കട അടയ്ക്കാനൊരുങ്ങുമ്പോള് ബൈക്കിലെത്തിയ യുവാവ് പൊറോട്ട ആവശ്യപ്പെട്ടപ്പോള് എല്ലാം തീര്ന്നുവെന്നും പറഞ്ഞതോടെയായിരുന്നു അക്രമം.
ബൈക്കിലെത്തിയ യുവാവ് മറ്റൊരാളെക്കൂടി വിളിച്ച് വരുത്തിയ ശേഷം അക്രമിക്കുകയായിരുന്നു. ഇടിക്കട്ട ഉപയോഗിച്ചായിരുന്നു ആക്രമണമെന്ന് മര്ദനമേറ്റ കടയുടമ പറയുന്നു. അക്രമികളില് ഒരാളെ അറിയാമെന്നും സ്ഥിരം പ്രശ്നക്കാരാണെന്നും അമല് കുമാര് പറയുന്നു. അക്രമത്തിനിടയില് പോലീസ് ജീപ്പ് വരുന്നത് കണ്ട് പ്രതികള് ബൈക്ക് ഉപേക്ഷിച്ച് രക്ഷപ്പെട്ടു. പ്രതികള്ക്കായി പോലീസ് അന്വേഷണം ആരംഭിച്ചു.