കാസര്കോട് ബിഎല്ഒയെ മര്ദിച്ച സംഭവത്തില് സിപിഎം ലോക്കല് സെക്രട്ടറി റിമാന്ഡില്. സിപിഎം ലോക്കല് സെക്രട്ടറിയും പഞ്ചായത്തംഗവുമായ എ. സുരേന്ദ്രനെയാണ് ദേലമ്പാടി പഞ്ചായത്ത് എട്ടാം വാര്ഡിലെ ബൂത്ത് ലെവല് ഓഫീസറായ പി. അജിത്തിന് മര്ദ്ദനമേറ്റ കേസില് റിമാന്റ് ചെയ്തത്. എസ്ഐആര് ക്യാമ്പിനിടെയുണ്ടായ വിഷയത്തില് ബിഎല്ഒയെ മര്ദ്ദിച്ചെന്നാണ് പരാതി. സിപിഎം പാണ്ടി ലോക്കല് സെക്രട്ടിയാണ് സുരേന്ദ്രന്.
ജില്ലാ കളക്ടറുടെ നിര്ദേശ പ്രകാരം ആദൂര് പൊലീസാണ് കേസെടുത്തത്. ദേലംപാടി പഞ്ചായത്ത് പയറടുക്ക ബൂത്തിലെ ബിഎല്ഒ അജിത്തിന് നേരെയാണ് കയ്യേറ്റം ഉണ്ടായത്. പഞ്ചായത്ത് സ്റ്റാന്റിംഗ് കമ്മിറ്റി ചെയര്മാനാണ് സുരേന്ദ്രന്.